Erkoreka: 'Fagorren bilerarekin dinamika berri bati ekingo zaio'
Josu Erkoreka Eusko Jaurlaritzako bozeramaileak agertu duenez, Fagor Etxetresnen egoera aztertzeko gaur arratsaldean Gobernuak, Gipuzkoako eta Bizkaiko foru aldundiek, MCCk, kaltetutako udalek eta Fagor Etxetresnek egingo duten bilerarekin "dinamika berri bati ekingo zaio" eta horregatik, "oso garrantzitsua" da. Aldeek akordiorik lortzen ez badute ere, dinamika berri horretatik "irtenbidea etorri behar du", agertu du.
Euskadi Irratiari eskainitako elkarrizketa batean, bileran "gordin eta argi" hitz egiteko deia egin die aldeei, eta Jaurlaritzak hitzorduari emandako garrantziaren erakusle, Gasteizera Urkullu lehendakariaz gain, beste sailetako arduradunak ere joango direla azpimarratu du. "Gordin eta argi hitz egin behar dugu, egoera hau ezin da denbora gehiagoz luzatu", erantsi du.
"Mondragon Korporazioak bere estrategia jarraitu du. Bera zen erantzule nagusia eta egokiena zena egin du. Jaurlaritzaren sentsazioa da ez dituela beti datu guztiak mahai gainean jarri, horregatik diot bilerara biluzik eta datu guztiak mahai gainean ditugula joan behar garela. Gordintasunez arazoari heltzeko borondatea behar da, errezeloekin ezer gutxi aurreratu dezakegu eta", nabarmendu du.
Hori horrela, batzarraren garrantzia berretsi du, "dinamika berri bati" ekingo zaiolako. "Neurri potoloak daude eskuartean eta ezingo ditugu denak arratsaldean hartu, baina Jaurlaritzatik garrantzi handia ematen diogu bilerari, dinamika berri bati ekingo zaiolako eta hortik etorriko delako irtenbidea", gaineratu du.
Jaurlaritzak ez du 'plan zehatzik' eramango
Bilerara enplegu planik eramango ote duen galdetuta, ezezkoa bota du Erkorekak: "Plan zehatzik ezin du eraman Jaurlaritzak, jarrera bai" baina aurretik, MCCren asmoa zein den ikusi behar dutela azpimarratu du.
"Denon artean hausnarketa egin behar dugu gauzak okertu ez daitezen, eta krisi honek ahalik eta eragin txikiena egin dezan euskal ekonomian. Izan ere, erreakzionatzen ez badugu, gehiago okertu daitezke gauzak", esan du bozeramaileak elkarrizketan.
Fagorri eman ahal zaizkion diru-laguntzez galdetuta, argi mintzatu da Erkoreka: "Erakundeok lagundu dezakegu, baina ez laguntza klasikoen bidez: dirua emanez edo diru-laguntzen bidez... hori debekatuta dugu. Lehenik eta behin taldearen beraren jarrera, konpromisoa eta jarduna zein den eta bakoitza zer egiteko prest dagoen ikusi behar dugu. Gero erabakiko du administrazio bakoitzak zer egin", azaldu du.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.