Fagor Etxetresnak ostiralean sartuko da hartzekodunen konkurtsoan
EAEko erakundeetako, Mondragon Korporazioko eta Fagorreko ordezkariek Fagor Etxetresnak enpresaren krisia aztertzeko bileraren amaieran Fagor Etxetresnak hartzekodunen konkurtsoan datorren ostiralean, azaroaren 8an, sartuko dela iragarri dute.
Bi ordu eta erdi iraun du Lakuan egin den bilerak. Bertan, erakundeetako ordezkariek eta MCCko eta Fagorreko ordezkariek parte hartu dute.
Arantza Tapia Garapen Ekonomiko eta Lehiakortasunerako sailburuak azpimarratu duenez, Fagorren konpromisoak soilik kooperatibistei eragingo die, ondorioz, Jaurlaritzak enpresa hornitzaileak lagunduko ditu zeharkako lanpostuak deuseztatzea saihesteko.
Horregatik, EAEko Exekutiboak azterketa sakona egingo du Fagorren itxierak izango lukeen eragina ezagutzeko.
Gainera, lanpostuak deuseztatu diren zonatan hezkuntza eta enplegu egitasmoak martxan jarriko ditu Exekutiboak.
Amaieran, Martin Garitano Gipuzkoako ahaldun nagusiak Fagor datorren ostiralean hartzekodunen konkurtsoan eta datozen asteetan kitapenaldian sartuko dela iragarri du.
Aurretiko erretiroa, hezkuntza edo lanpostu berria
Kooperatibistak berriz kokatzeko, aurretiko erretiroa hartzeko edo hezkuntza egitasmoetan sartzeko konpromisoa hartu du Fagorrek, Garitanok azaldu duenez.
Hala ere, aldi baterako langileak, bazkide ez kooperatibistak, Basauriko Edesa eta Azpeitiako Grumal enpresetako langileak akordiotik kanpo geratuko lirateke.
1.000-1.200 langile datozen hilabeteetan berriz kokatzea eta aurretiko erretiroa hartzea espero du Mondragon Korporazioak, Txema Gisasola MCCKo presidenteak eta Mikel Zabala Kudeaketa Sozialeko zuzendariak bileran azaldu dutenez.
"Lanpostuekin duen konpromisoa" berretsi du Korporazioak agiri batean, eta "ahalik eta lanpostu kopururik handiena mantentzearen" aldeko apustua egin dute Gisasolak eta Zabalak. Era berean, lanpostuen "galerari aurre egiteko arlo berriak martxan jarri" nahi dituzte, "horretarako baliabideak bideratuz".
Bestalde, Bizkaiko Foru Aldundiak Fagor Etxetresnakeko zuzendaritzarekin Basauriko Edesa planta hartzekodunen aurrekonkurtsotik ateratzea adostu du. Aldundiak hiru milioi euro jarriko ditu hornitzaileak ordaintzeko eta lanean jarraitu ahal izateko. Berria Jose Luis Bilbao Bizkaiko ahaldun nagusiak eman du.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.