Tapia: 'Gauzak beste era batera egiterik bazegoen'
Arantza Tapia Garapen Ekonomiko eta Lehiakortasunerako sailburuaren hitzetan, Fagor Etxetresnak "hartzekodunen konkurtsora heldu baino lehen, gauzak beste era batera egiterik bazegoen".
Sailburua ETB-1eko 'Airean' saioan elkarrizketatu dute arratsaldean. "Dagoeneko agertoki honetara iritsi gara, eta atzera begiratzea alferrikakoa da, lan asko egiteko dago", erantsi du.
Bestalde, Eusko Jaurlaritzak orain arte gauzak "ondo pentsatuta eta aztertuta" egin dituela defendatu du Tapiak. Hartzekodunen konkurtsora heldu baino lehen egindako kudeaketa aurpegiratu die sailburuak MCCko eta Fagorreko arduradunei, baina "atzera begiratzerik" ez dagoela errepikatu du.
Atzoko bilera "oso gogorra" eta "tentsio handikoa" izan zela adierazi du Tapiak. Fagorreko enpresa hornitzaileei "irtenbide bat" eman behar zaiela azaldu du agintariak. Zentzu horretan, Jaurlaritza hornitzaileei laguntzen saiatuko dela ziurtatu du sailburuak. Fagorrek 200 bat hornitzaile dituela esan du, horietatik 40-50 garrantzitsuenak dira.
"Patxada"
"Ez dugu kalte gehiagorik egin nahi, poliki eta patxadaz hartuta, gauzak ahal diren neurrian konpondu behar ditugu", gaineratu du Tapiak.
"Agertoki berrian gaude, hartzekodunen konkurtsoan, alegia", errepikatu du. Sailburuaren ahotan, Jaurlaritza eroslea bilatzen saiatuko da, baina Fagor bezalako enpresa baten kasuan "gutxienez pare bat urte" beharko direla uste du.
Azkenik, kooperatiba eredua "zalantzan ez" dagoela esan du Tapiak, baina "nola kudeatu eta errentagarri egin" pentsatzea beharrezkoa dela erantsi du. Horregatik, "gogoeta" beharrezkoa dela adierazi du.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta bere irtenbide teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.