Fagor Etxetresnakek hartzekodunen konkurtsoa eskatu du
Fagor Etxetresnaken jatorrizko enpresa (Fagor Etxetresnak Sozietate Kooperatiboa) eta Fagor Ireland filiala hartzekodunen konkurtsoan sartzeko eskaera egin du gaur Fagor Etxetresnakek, kooperatibak berak Balio Merkatuen Batzorde Nazionalari jakinarazi dionez. Fagor Brandt Frantziako filialaren markak biltzen dituen sozietatea da Fagor Ireland Ltd., kooperatibako iturriek Efe agentziari azaldu diotenez.
Konkurtso-legeak ezartzen dituen izapideei jarraituz, konkurtsoa Donostiako Merkataritza arloko 1. Epaitegian aurkeztu du. Datozen egunotan kooperatibaren zati diren gainerako enpresak ere konkurtsoan sartzeko eskaera egingo du, Edesa, Grumal eta Project oraindik ez baitira hartzekodunen konkurtsoan sartu.
Fagor Etxetresnakek ohar batean azpimarratu duenez, "erabaki honekin burutzen dira, arrakastarik gabe, Mondragon Korporazioarekin, instituzio publikoekin, inbertsio funtsekin, finantza erakundeekin eta sektoreko beste konpainia batzuekin izandako negoziazioak".
"Une honetatik aurrera, epaileak izendatuko duen konkurtso-administratzaileak zehaztuko du enpresak hartzekodunekin hitzarmenen bat lortzeko bideragarritasunik duen edo, aitzitik, likidazioaren bitartez konpromisoei aurre egiteko formula eta epeak zeintzuk diren", gaineratu du.
"Bihotzez sentitzen dugu enplegatuen, bazkideon eta hartzekodunen interesak babestuko lituzkeen jarduera produktiboarekin jarraitzeko bezainbesteko finantzaziorik eskuratu ezin izana, hala egin baitugu gure historiako 50 urteotan, betiere, gure enpresa-izaeraren zutabetzat hartuta gure ingurunean enplegua, aberastasuna eta gizarte garapena sortzea", adierazi dute.
Urriaren 16an jakinarazi zuen Fagorrek hartzekodunen konkurtson sartzeko asmoa, aurrera egiteko behar zituen 170 milioi euro lortzeko zailtasunen aurrean. Guztira, 580 euroko zorra du taldeak.
Fagorrek bizi duen krisi egoera dela-eta, aurretik hartzekodunen konkurtsoa eskatu izan dute Mastercook Poloniako filialak eta Brandt Frantziakoak. Azken horretan, gainera, ordainketak etetea agindu zuen auzitegi batek.
Edesa Basauriko lantegia ere hartzekodunen konkurtsora joango dela baieztatu zuten atzo bertan, Bizkaiko Foru Aldundiak mahai gainean jarritako 3 milioi euroko laguntzari uko egin ostean.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.