Aste honetan aurkeztuko dute Edesaren hartzekodunen konkurtsoa
Fagor Etxetresnak kooperatibak aste honetan aurkeztuko du Basauriko Edesa enpresaren hartzekodunen konkurtsoa, kooperatibako Kontseilu Errektoreak Bizkaiko Foru Aldundiak eskainitako laguntza ez onartzea eta Edesa hartzekodunen konkurtsoan sartzea erabaki ondoren.
Urriaren 16az geroztik Fagor Etxetresnak kooperatiba hartzekodunen konkurtsoan dago, azaroaren 13an jatorrizko sozietatearen eta Fagor Ireland filialaren hartzekodunen konkurtsoa Donostiako epaitegi batean erregistratu ondoren. Datorren astean erabakiko dute epaitegiek hartzekodunen konkurtsoa onartu ala ez.
Egoera berean daude Mastercook Poloniako filiala eta Fagor Brandt, Frantziakoa. Fagor Etxetresnakek datozen egunetan aurkeztuko ditu gainerako filialen hartzekodun konkurtsoak, besteak beste, Grumal eta Project enpresena.
Aurreko astelehenean erabaki zuen Fagor Etxetresnakeko Kontseilu Errektoreak Bizkaiko Foru Aldundiak eskaini zion 3 milioi euroko laguntza ez onartzea eta Edesa ere hartzekodunen konkurtsoan sartzea. Asteartean jakinarazi zieten Basauriko 200 langileei erabakia.
Mobilizazio berriak
Edesako langileek mobilizazio berriak adostuko dituzte astelehenean Basauriko lantegia ixteko erabakia salatzeko.
Ostegunean, manifestazioa egin zuten Basaurin, eta protesta ekitaldiak gehiago egiteko asmoa dute.
Bestalde, itxialdi mugagabearekin jarraituko dute.
Albiste gehiago ekonomia
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.
Greba mugagabea Aguraingo eta Legasako Arcelor lantegietan, uztailaren 1etik aurrera
Enplegu-erregulazioko espedientearen kontsultarako aldia amaituta dago, eta aldeek ez dute lortu elkarrekin ados jartzea. ELA sindikatuak salatu du EEE horren ondorioz zuzendaritzak 33 langile kaleratu eta Legasako lantegia itxi egingo duela.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.