Grumal eta Proiek Habitat enpresek hartzekodunen konkurtsoa deitu dute
Donostiako Merkataritza-arloko Epaitegiak Grumal eta Proiek Habitat Equipament Azpeitiko eta Arteako enpresak hartzekodunen borondatezko konkurtsoan deklaratu ditu, Fagor Etxetresnakek eskatuta.
Osteguneko autoan, Grumal eta Proiek enpresentzat hartzekodunen konkurtsoa ezarri zuen aipatu epaitegiak. Konkurtsoa eskatzeko, memoria ekonomikoa bidali eta kaudimen-gabezia egoeran daudela argudiatu dute enpresa horietako arduradunek.
Erabaki horren aurkako helegitea jarri daiteke oraindik.
Pedro Jose Malagon epaileak jasotako dokumentazioa irakurrita kaleratu duen autoan jaso duenez, enpresa biek ez dute kaudimenik.
Azpeitiko Grumalek 12 milioi euroko pasiboa zeukan irailean, aktiboa (2 milioi euro) baino askoz handiagoa. Dirutan, berriz, 36.000 euro zeuzkan kutxan. Beraz, epaileak azpimarratu du datu horiek oso argi erakusten dutela Grumal ez dela gauza zorrak ordaintzeko.
Arteako Proiek Habitat ere egoera horretan dagoela esan du epaileak, nahiz eta pasiboaren eta aktiboaren arteko aldea hain handia ez izan (11 milioi euroko pasiboa eta 7 milioiko aktiboa, irailean). Hala ere, diru-kutxa zenbaki gorritan zeukan, 15.000 euroko zorrarekin. Beraz, datu horien aurrean, kaudimenik ez daukala ebatzi du Malagon epaileak.
Datu horiek guztiak aurrean dituela, hartzekodunen borondatezko konkurtsoaren hasiera deklaratu du bi enpresentzat. Epaileak gaineratu duenez, enpresek ez dute ondarearen likidaziorik eskatu.
Hemendik aurrera, konkurtsoaren berri emango diete Grumalek eta Proiekek hartzekodun bakoitzari eta langileen ordezkariei, eta hartzekodunek hilabete izango dute zorren berri emateko konkurtsoaren administratzaileari.
Albiste gehiago ekonomia
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.
Eusko Legebiltzarrak ez du izapidetuko gutxieneko pentsioa Lanbidearteko Gutxieneko Soldatarekin berdintzea eskatzen duen herri-ekimena
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta dagoela egungo sisteman. Ekimenak 145.000 sinadura baino gehiagoren babesa du.
Azazetan auto istripuan hildako gidaria etxez etxeko laguntzaile lanetan ari zen
LAB sindikatuak lan-istriputzat jo du ezbeharra, eta etxez etxeko laguntzaren sektoreko baldintza prekarioak salatu ditu.
Abuztuan, langabezia-tasa ia % 4 igo da EAEn, eta % 0,53 jaitsi da Nafarroan
109.169 langabe daude erregistratuta Euskadin, eta, Nafarroan, berriz, 28.390. Espainian, langabezia-tasa % 0,91 igo da, eta langabeen kopurua 2.426.511ra iritsi da, 2007az geroztik abuztuan izandako mailarik txikiena.
LAB sindikatuak soldatak duintzea du urte honetarako lehentasunetako bat
Salatu du ziurgabetasun ekonomikoa aitzakia gisa erabiltzen ari dela lan-baldintzak prekarizatzeko. Horregatik, iragarri du bere helburua izango dela soldatak KPItik gora igotzea negoziatzea eta, batez ere, gutxieneko soldata propioa sortzea.