Europak lankidetza eskaini du ontziolentzako laguntzak berreskuratzeko
Joaquin Almunia Europako Batzordeko presidenteorde eta Lehia komisarioak 2007 eta 2011. urteen artean ontziolek legez kanpo jaso zituzten laguntza fiskalak "atzerapenik gabe" berreskuratzeko eskura dituen neurri guztiak aplikatzea eskatu dio Espainiari, Izaskun Bilbao eurodiputatuari erantzunda.
Almuniak laguntza eskaini die espainiar agintariei "espainiar ontziolei legez kanpo emandako hobariak ahalik eta arinen eta modu egokian berreskuratzea bermatzeko", gaur Izaskun Bilbao EAJko eurodiputatuak ohar batean iragarri duenez. Batasuneko exekutiboari Bilbaok idatziz egin zion galdera bati erantzun dio horrela Almuniak.
Erantzunean, itzuli beharreko laguntzen zenbatekoa kalkulatzeko modua "fintzen" jarraitzeko prestasuna agertu du espainiar komisarioak. EAJko eurodiputatuaren informazioaren arabera, Espainiako Gobernuak zenbateko hori 126 milioi eurokoa dela esan du.
Horren ildotik, hobari fiskalak ontziak eraikitzeko lanak finantzatu zituztenek itzuli behar dituztela ekarri du gogora Almuniak, eta, ohartarazpen ofiziala jasotzen dutenetik, lau hil izango dituzte hori egiteko.
Legez kanpoko laguntzen zenbatekoa itzultzeko epea azaroaren 18an bukatu zen hasiera batean, baina, Batzordeak adierazi zuenez, Espainiako Gobernuarekin hitz egiten ziharduten orduan oraindik, berreskuratu beharreko diruaren zenbateko zehatza kalkulatzeko. Estatu laguntza konplexuak tartean direnean Batzordearen eta Estatuaren arteko elkarrizketaldiak luzeagoak izaten direla azaldu zuen orduan Europako exekutiboak.
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.