Ekarpenen gatazkan akordioa dute Eroskik, Kontsumobidek eta bankuek
Eroskik ''asmo-akordioa'' sinatu du bankuekin, mendeko ekarpenen gatazkari irtenbidea emateko. Akordio horren arabera, ekarpenaren % 15 eskudirutan jasoko lukete bezeroek, eta beste % 55, berriz, 12 urterako bonutan. Ondorioz, % 30eko kita egongo litzateke. Kontsumobidek bitartekaritza lanak egin ditu akordio horretan, Kontsumoko Euskal Institutuak berak ohar batean azpimarratu duenez.
12 urteko bonuek urtean euribor + % 3ko irabaziak emango lituzkete, Eroskik Balore Merkatuaren Batzorde Nazionalari helarazitako informazioaren arabera.
Eroskik ohar batean azaldu duenez, aukerakoa izango da trukea onartzea ala ez. Edonola ere, Eroskiren hitzetan, akordio ''positiboa'' da eta ekarpenak dituzten pertsona guztientzako ''irtenbide unibertsala'', horiek zein bankutan erosi zituzten edo non bizi diren kontuan izan gabe.
Irtenbide honek ez du aintzat hartzen orain arte ordaindutako interesen itzulera, eta horrekin bat egiten ez duten bezeroek beren tituluei eutsi ahalko diete, ''orain arte bezala''.
Hilaren 31n ordainduko ditu konpainiak mendeko ekarpenen interesak.
Kontsumobideren ustez ''gatazkarako irtenbidea'' da
Kontsumobidek ohar batean adierazi duenez, gatazkarako ''irtenbide unibertsala'' da akordioa. Kontsumoko Euskal Institutuak testu horretan azpimarratu duenez, etengabeko harremanak izan dituzte Eroskirekin, finantza erakundeekin eta kontsumitzaileen elkarteetako ordezkariekin, titulu horiek erosi zituzten lagunen ordezkari gisa.
Bitartekaritza prozesuan irtenbide ezberdinak izan direla adierazi du Kontsumobidek baina, azterketa sakona egin ondoren, azkenean lortutako akordioak ''irtenbide unibertsala'' dakarrela azpimarratu du.
Kaltedunek baztertu egin dute akordioa
Kaltetuak Fagorrek eta Eroskik igorritako mendeko ekarpenen kaltedunen elkarteak baztertu egin du, erabat, Eroskik eta bankuek ekarpenen gatazka konpontzeko lortutako akordioa.
''Gaur egin duten eskaintzak ez du ezer bermatzen, Eroskiri Fagor Etxetresnaki gertatu zaiona gertatzen bazaio 12 urterako bonu horiek ez baitute baliorik izango. Kasu horretan diruaren % 85 galduko genuke'', azaldu du elkarteko buruak.
Halaber, dirua itzultzen ez badiete, litekeena da Eroskik itxi behar izatea, elkartearen arabera.
Adicaeren hitzetan, proposatutako trukea ''korralitoa'' da
Adicae banku, kutxa eta aseguru erabiltzaileen elkartearen arabera, gaur proposatutako trukea ''korralitoa'' da, eta hori ez onartzeko eskatu dio Baloreen Merkatuko Espainiako Batzordeari.
Albiste gehiago ekonomia
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.
Greba mugagabea Aguraingo eta Legasako Arcelor lantegietan, uztailaren 1etik aurrera
Enplegu-erregulazioko espedientearen kontsultarako aldia amaituta dago, eta aldeek ez dute lortu elkarrekin ados jartzea. ELA sindikatuak salatu du EEE horren ondorioz zuzendaritzak 33 langile kaleratu eta Legasako lantegia itxi egingo duela.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.