Kaltedunek baztertu egin dute Eroskiren eta bankuen arteko akordioa
Kaltetuak Fagorrek eta Eroskik igorritako mendeko ekarpenen kaltedunen elkarteak baztertu egin du, erabat, Eroskik eta bankuek ekarpenen gatazka konpontzeko lortutako akordioa. Proposamenaren arabera, ekarpenaren % 15 eskudirutan jasoko lukete bezeroek, eta beste % 55, berriz, 12 urterako bonutan. Ondorioz, % 30eko kita egongo litzateke. Kontsumobidek bitartekaritza lanak egin ditu akordio horretan, Kontsumoko Euskal Institutuak berak ohar batean azpimarratu duenez.
''Gaur egin duten eskaintzak ez du ezer bermatzen, Eroskiri Fagor Etxetresnaki gertatu zaiona gertatzen bazaio 12 urterako bonu horiek ez baitute baliorik izango. Kasu horretan diruaren % 85 galduko genuke'', azaldu du elkarteko buruak.
Halaber, dirua itzultzen ez badiete, litekeena da Eroskik itxi behar izatea, elkartearen arabera.
Agerraldia Legebiltzarrean
Akordioaren baieztapena iritsi baina lehen, kaltedunen elkarteko ordezkariak Eusko Legebiltzarreko Ekonomia Garapena eta Lehiakortasun batzordean izan dira, bizi duten egoera azaltzeko.
Bertan, Eroski, Kontsumobide eta kooperatibaren mendeko aportazioak komertzializatu zituzten bankuen arteko negoziazioak kritikatu dituzte. Ordurako zabaldutako informazioaren arabera, bizi osorako produktuak zirenak epe luzerako izaeradun bonoengatik trukatzea aztertzen ari ziren; kaltetuen esanetan, ordea, proposamen hori "onartezina" izango litzateke, "galerak aurreztaileek ordaintzea suposatuko lukeelako".
Jose Antonio Urrutia bozeramaileak ostegun honetan jakinarazi duten proposamenaren berri ofizialik ez zuela esan du goizean. Halaber, Eusko Jaurlaritzak proposamen hori babestea "onartezina" izango litzatekeela ere aurreratu du.
Urrutiaren aburuz, proposamen horrekin inbertitu zituzten 660 milioi eurotatik 99 milioi bakarrik berreskuratuko lituzkete 30.000 kaltedunek.
Adicaeren hitzetan, proposatutako trukea ''korralitoa'' da
Adicae banku, kutxa eta aseguru erabiltzaileen elkartearen arabera, gaur proposatutako trukea ''korralitoa'' da, eta hori ez onartzeko eskatu dio Baloreen Merkatuko Espainiako Batzordeari.
Kotizazioa eten dute
Bestalde, Eroskiren bi ekarpenen kotizazioa etetea erabaki du gaur Baloreen Merkatuko Espainiako Batzordeak. Horren arabera, balore horien garapenean eragina izan dezaketen baldintzak daudela iritzita erabaki du behin-behineko neurri hori hartzea.
Eroskiren plana
22 bankuk hartzekodunekin zorra berregituratzeko prozesua amaitzen dutenean jarriko dute martxan proposamena. Eroskik 2.500 milioi eurorekin berfinantzatzea eskatu die erakunde horiei.
Zure interesekoa izan daiteke
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako tasa turistikoa onartzeko aurreproiektua, martxan: eguneko 7,5 eurorainokoa izan daiteke
Udararako tasa turistikoak prest izatea nahi dute Euskal Autonomia Erkidegoko hiru aldundiek eta berau onartzeko prozesua abiatu dute, egonaldi turistikoen gaineko foru arauaren aurreproiektua martxan jarrita. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.