Txema Gisasola Mondragoneko presidenteak dimisioa eman du
Txema Gisasola Mondragon Korporazioko presidenteak dimisioa eman du ostiral honetan, "arrazoi pertsonalak" argudiatuta. Batzorde kudeatzaile batek zuzenduko du Mondragon Taldea presidente berria aukeratu bitartean.
Taldeak ohar batean jakitera eman duenez, Mondragonek bere etorkizunaren inguruko "hausnarketa epea" irekiko du orain. Egitasmo berria definituta izan arte, ez dute presidente berria aukeratuko.
Hausnarketarako epe horretan, datozen urteetako jardueraren "esparru orokorra" diseinatuko du Taldeak. Lehen pauso gisa, Korporazioko hainbat kooperatiba eta arlotako arduradunek osatutako talde bat arduratuko da abiapuntuko egoeraren balorazioa egiteaz, eta datozen urteetako ildo nagusiak "identifikatu eta jarraitu beharreko bide orria" marraztuko du.
Horrenbestez, hemendik aurrera, batzorde kudeatzaileak zuzenduko du Mondragon Taldea, "zerbitzu guztien funtzionamendua bermatuz eta kooperatiba guztien bazkideek etorkizunari buruz iritzia emateko aukera izan dezaten".
Taldeak azaldu duenez, Gisasolak dimisioa "arrazoi pertsonalengatik" eman ondoren esan du "elkartasun, esfortzu, lehiakortasun, berrikuntza teknologiko eta gizartearekiko konpromisoko" printzipioak, Mondragoneko kooperatiben funtsaren eta beraien etorkizuneko zutabeen oinarri direla.
Une honetatik aurrera, lehendakariaren dimisioak eragindako egoera batzorde kudeatzaile baten sorrerarekin bideratuko da, Kontseilu Orokorraren baitan, "Korporazioaren zerbitzuen funtzionamendu operatiboa bermatzeko eta elkartutako kooperatiba guztietako bazkide guztiek etorkizunean Mondragon nolakoa izango den erabakitzeko oinarriak jartzeko".
Jarduteko esparru horren ildoak datozen urteetan Mondragon Taldea gidatuko duen presidente berriak aurkeztuko dizkio 2014ko Kongresuari.
Mondragon Korporazioaren iritziz, beharrezkoa da "azterketa, hausnarketa eta eztabaida kolektiboa" nagusi izan behar duen etapa honi ekitea, "krisi ekonomiko globalak dakarren erronkari garantiekin aurre egiteko".
2013a oso urte zaila izan da Mondragon Taldearentzat. Izan ere, Fagor Etxetresnak kooperatiba hartzekodunen konkurtsoan nola sartu den ikusi behar izan du Gisasolak azken urtean.
Jaurlaritzatik ez dute adierazpenik egin nahi izan, "alor pribatuari dagokion" erabakia dela argudiatuz.
Etxetresnaken krisiaren erdian
Fagor Etxetresnakek bizi duen krisiak eraginda, Txema Gisasola (Zumarraga, 1962) Mondragon Korporazioko presidenteak kargua utziko du. Etxetresnaketik iritsi zen Mondragonera, 2012ko uztailean.
Azken hilabeteetan, langileen haserrea pairatu behar izan du Gisasolak, Etxetresnakeko presidente ohi eta Mondragoneko burua izateagatik. Hau da, Etxetresnakek bere agintaldian zehar pairatu zuen krisi larriagatik eta Korporazioak hartu zuen azken erabakiagatik.
Hala ere, kooperatiba batean erabakiak ez dituela presidenteak bakarrik hartzen esan du beti Gisasolak.
Korporazioko historian presidenterik gazteena izan da Gisasola. Jose Maria Aldecoaren tokia hartu zuen 2012ko uztailean.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketa zilegi den zalantzan jarri dute.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.