Edesak otsailaren 10a zehaztu du bideragarritasun planaren muga gisa
Basauriko Edesa lantegiko langileek otsailaren 10a zehaztu dute sortu duten bideragarritasun plana lantzen jarraitzeko muga gisa. Finantziaziorik izan ezean, itxaropenak luzatzen jarraitzeari utziko diotela adierazi dute.
Edesako langileek sortutako planari esker, Fagor Etxetresnaken Confort sekzioa aurrera ateratzeko aukera egongo litzateke, Bergarako eta Basauriko lantegiak, hain zuzen. Euren kalkuluen arabera, 20 milioi euroko finantziazioa beharko luke hasteko.
Adierazpen batean azaldu dutenez, plana sortu duen taldeko kideek –guztiak Edesako langile eta bazkideak dira-, ostegunean euren lankideek egindako laguntza deia babestu dute, eta otsailaren 10ean proiektu horretan lan egiteari utziko diotela jakinarazi dute.
"Proiektuak ahalik eta dedikazio gehiena behar du, baina ezin dugu betirako itxaropena sortu langileen, hornitzaileen eta bezeroen artean", azaldu dute.
Gainera, plana "diru-laguntza sendo bat" izan gabe aurrera eramatera ez dela "arduratsua" gehitu dute, eta, tamalez, ez dela laguntzarik zehaztu oraindik.
Horren harira, Bizkaiko eta Gipuzkoako Aldundien, Eusko Jaurlaritzako Garapen Ekonomikorako eta Lehiakortasunerako Batzordeko talde parlamentarioen eta Basauriko Udalaren "babes instituzionala" eskertu dute.
Edesako gainontzeko langileei ere "lanpostuak mantentzeko asmoa duen plan honetan inplikatzea, esfortzua egitea eta babestea" eskertu diete.
Pasatu den ostegunean, Edesako langileek instituzioei eta Mondragon Korporazioari (MCC) laguntza eskatu zieten, elkarlanean lantegia irekitzeko, "denbora amaitzen" ari zaiela azpimarratuz.
Fagor Etxetresnakekin eroritako Basauriko lantegian txandaka itxialdian jarraitzen dute langileek, azaroan ateak itxi zituenetik.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.