Adicae: 'Kontsumitzaileek badakite orain dirua berreskura daitekeela'
Francisco Javier Alvarado ADICAE Banku, Aurrezki Kutxa eta Aseguruen Erabiltzaileen Elkartearen ordezkariak Marcos Bermudez Bilboko Merkataritza-arloko 1 zenbakiko epaitegiko epaileak Eroskiren finantza-ekarpen subordinatuak BBVAren bidez erosi zituzten 68 kontsumitzaileri dirua itzultzeko hartutako erabakia txalotu du, orain horri esker "kontsumitzaile askok badakitelako salaketen bidez dirua berreskura daitekeela".
Ebazpena ezagutu eta gero hedabideen aurrean egindako adierazpenetan, positibotzat jo du erabakia "BBVA dirua itzultzera zigortu duelako".
"Kontsumitzaileen eskariak aintzat hartu dira eta BBVAk diru guztia itzuli beharko du. Kontratuak bertan behera utzi, eta dirua itzultzea agindu dute", esan du. Eroskiren inguruan esan duenez, "ez dira salaketak onartu".
Alvaradoren iritzian, "kontsumitzaile askok badakite orain salaketen bidez dirua berreskura daitekeela", baina, era berean, epaiaren kontrako helegitea jar litekeela nabarmendu du.
Bestalde, diru horren interesen harian ohartarazi duenez, "kontraturik ez badago, dirua itzuli egin beharko du, eta horri legezko interesa gaineratu beharko zaio".
Epaia
BBVAk ez zuela garbi jokatu ebatzi du Marcos Bermudez epaileak, eta, horrenbestez, dirua interes eta guzti bueltatu beharko die ekarpenak erosi ondoren dirua berreskuratu ezin zutela ikusita salaketa jarri zuten 68 bezero horiei.
Fiskaltzak epaiketan eskatutakoaren bidetik jo du epaileak, eta Eroski zigorrik gabe utzi du.
Zure interesekoa izan daiteke
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.