Arabako eta Bizkaiko metaleko lan-hitzarmenen jarraipena berretsi dute
Arabako eta Bizkaiko metal alorreko lan-hitzarmenek indarrean jarraituko dute; izan ere, bi hitzarmen horien aurreraeragin edo ultraaktibitatearen alde egin dute Gasteizko eta Bilboko lan-arloko epaitegiek, lan-hitzarmenetan agertzen zen klausula batek hori agintzen duelako hitzarmen berria onartu arte. Justiziaren erabakiak 60.000 langilerengan du eragina, baina Bizkaiko patronalak dagoeneko iragarri du helegitea jarriko duela.
Bilboko eta Gasteizko lan-arloko epaitegiek arrazoia eman diete CCOO eta UGT sindikatuei eta bi lurraldeetako metal arloko hitzarmenetan aurreraeragin edo ultraaktibitatea bere horretan uztea ebatzi dute, akordio berriak hitzartu arte.
Araban 2007-2010 eta Bizkaian 2008-2011 aldirako lan-hitzarmenak sinatu zituzten bi sindikatuek, eta epaitegiek bi hitzarmen horien iraupena luzatzea erabaki dute orain, hitzarmen kolektibo berriak adostu arte.
Horrela, Araba eta Bizkaiko 60 mila langileri ez zaie lan-erreforma aplikatuko. UGT sindikatuak ohar bidez jakitera eman duenez, ebazpenak babes juridikoa emango die langileei. CCOOk txalotu egin du erabaki judiziala, eta prentsaurrekoa iragarri du gaurko Bilbon, balorazio zehatzagoa egiteko.
Bizkaiko patronalak helegitea iragarri du. Jaime Fernandez Bizkaiko metal arloko patronaleko idazkariak prozedura akatsak ikusten ditu sindikatuen proposamenean. Gainera, urtebete baino gehiago hitzarmena aplikatu gabe eman ondoren, ez zaio zentzuzkoa iruditzen berriz ere indarrean jartzea.
Bizkaiko patronalak errekurtsoa aurkeztuko du
Metalaren Enpresetako Bizkaiko Federazioak lan-hitzarmenaren jarraipenaren kontrako errekurtsoa aurkeztuko duela iragarri du, ez dagoelako ados hitzarmenaren edukiarekin.
Iñaki Garcinuño Cebekeko presidenteak adierazi duenez, ez da lan-hitzarmenen iraunaldia aintzat hartzen duen lehen epaia.
Garcinuñoren iritziz, "epaileek ez daude ados legegileen ikuspuntuarekin" eta, konstituzioaren printzipioei dagokienez, "legeak ezarritakoez gain, bestelako eskubideak daudela uste dute".
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.