Europak maiatzaren 13an erabakiko du opor fiskalak zigortzen dituen
Europako Justizia Auzitegiak maiatzaren 13an erabakiko du Espainiari isuna ezartzen dion EAEko 'opor fiskalen' harira emandako diru-laguntzak epe barruan ez berreskuratzeagatik, erakundeak jakinarazi duenez.
Espainiak legez kanpoko diru-laguntza horiek guztiak (500 milioi euro inguru) berreskuratu ditu dagoeneko, baina gehientsuenak epez kanpo jaso zituen, kasu batzuetan ia 12 urteko atzerapenarekin.
Hori dela eta, Eleanor Sharpston Europako Justizia Auzitegiko abokatu nagusiak Espainiari 50 milioi euroko isuna ezartzea eskatu zuen urtarrilean. Horren eskariak ez du zertan Auzitegiaren erabakia baldintzatu, baina kasu gehienetan (auzien % 80) oso kontuan hartzen dute.
Diru-laguntzak legez kanpokotzat jo zituzten 2001ean, eta 2006an kontrako epai bat ere izan zuten. Abokatuaren kalkuluen arabera, 2006ko epaia atera zenean 322 milioi euro falta ziren berreskuratzeko.
Hori dela eta, abokatuak uste du egokia litzatekeela isuna jartzea kasu honetan. "Diru-laguntzen kopuru handia da, eta berreskuratzeko denbora asko eman dute; badirudi Espainiako agintariak etengabe saiatu direla berreskuratu behar zen dirua murrizten, askotan prozesua are gehiago luzatuz", esan du.
Sharpstonen esanetan, 50 milioi euroko isuna, "Justizia Auzitegiak inoiz jarri duen handiena, kontuan hartu behar da, eta antzekorik berriro ez gertatzeko disuasio-eragina izan lezake".
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.