EAJk Kutxabank pribatizatu nahi duela errepikatu du ELAk
Kutxabank pribatizatu nahi dutela "asmatu" ez duela errepikatu du gaur ELA sindikatuak; izan ere, kapitalaren % 30 bakarrik aurrezki-kutxen eskuetan geratuko da. ELA pribatizazioaren aurka azaldu da berriro.
"Gizartearen ondarea" esku pribatuen eskuetan utzi nahi dutela ohartarazi zuen sindikatuak astelehenean. Horrela, Kutxabanken pribatizazioa "espoliazioa" izango litzatekeela salatu zuen ELAk.
Kutxabank "ezegonkortzeko kanpainan" ELAk ezker abertzalearekin "bat egin" duela esan zuen atzo EBBk. Bankuak "euskal finantza-entitatea izaten" jarraituko duela bermatu zuen EAJk.
Sindikatuak gaur erantzun eta bere jarrera berretsi du. ELAren hitzetan, "Kutxabank pribatizatu nahi dutela ez du sindikatuak asmatu. Aurrezki-kutxaren % 30 fundazioen eskuetan geratzea eta % 70 kapital pribatua izatea helburu zuela azaldu zuen Mario Fernandez Kutxabankeko presidenteak otsailean; gaur egun Kutxabanken kapitalaren % 100 aurrezki-kutxen eskuetan dago".
Kopuru horien aurrean, "Kutxabank pribatua da jadanik", bezalako argudioak balekoak ez direla azaldu du ELAk. "EAJk galdera bati erantzun behar dio: Kutxabankeko kapitalaren zer portzentaje utzi nahi du aurrezki-kutxen eskuetan? Agirian ez du ezer argitzen", gaineratu du sindikatuak.
LAB
Bestalde, EAJk aurrezki-kutxak eta gizarte ekintza "batzoki bat bezala" kudeatu dituela salatu du LAB sindikatuak, "PSEren oniritziarekin eta PPrekin estrategia adostuz".
"Aurrezki-kutxak hobiratu zutenak bezala historiara pasatuko dira eta ezin dute izaera publikoa eta soziala defendatzeko protesta egiten dutenen izen ona zikindu", adierazi du LABek agiri batean.
Sortu
Andoni Ortuzar EAJko presidenteak ELA sindikatuaren txartela apurtu eta Confebaskekin bat egin behar duela esan du Pernando Barrena Sortuko bozeramaileak, "elkarte hori defendatzen duelako".
Barrenaren hitzetan, "Kutxabanken pribatizazio prozesua martxan dagoela ukatzen duenean, Ortuzar gezurretan ari da; horregatik, pribatizazioa interes publikoaren kontrakoa dela salatzen dugunen kontrako erasoak oso larriak dira".
PP
EH Bilduk "pribatizazioak beti eta edozein erabakitan" ikusten dituela adierazi du Nerea Llanos Euskadiko PPko idazkari nagusiak.
Eusko Legebiltzarrean izandako eztabaidetan, ezker abertzaleko koalizioaren kritikak okerrak direla argi geratu da orain arte, Llanosen ustez.
Albiste gehiago ekonomia
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.
BSHko langileek babesa eman diote zuzendaritzak eta gehiengo sindikalak lortutako akordioari, aldeko 475 bozkekin
Langileen % 78k bat egin du aurreko ostegunean UGT, CCOO, ATISS eta Solidari sindikatuetako ordezkariek adostu zuten aurreakordiorekin. Horren arabera, 609 lagun kaleratuko dituzte kalteordainekin eta lantegia itxiko dute.
Euskadiko Parke Teknologikoaren etorkizuneko campusa eraikitzen hasi dira Zorrotzaurren: Idom, Mondragon eta abangoardiako enpresak hartuko ditu
Aurreneko eraikina Tarabusi pabiloi zaharraren kokalekuan egongo da, Galletaginen etorbidean. Bilboko Campusean teknologikoki aurreratuak diren hainbat enpresa ezartzea aurreikusten da.
Parte-hartze zabala BSHn, lan-erregulazioko espedientearen aurreakordioaren inguruko bozketan
Eguerdiko 13:00etarako langileen % 80k eman du bozka. Enpresa batzordearen gehiengoak, ELAk eta LABek izan ezik, joan zen asteazkenean lortu zuen aurreakordioa zuzendaritzarekin, eta, horren arabera, lantegia itxi eta 609 pertsona kaleratuko dituzte, 655 izan beharrean.
Arabako Ogasunak 181 milioi euro itzuli ditu errentaren kanpainan
Guztira, 200.457 aitorpen egin dira, aurreko ekitaldian baino % 3 gehiago. Datu hori "Arabako ekonomiaren martxa onaren sintoma" da Itziar Gonzalo Ogasun diputatuaren arabera.
Euskadiko hotel-ostatuek duela urtebete baino ia % 10 bidaiari gehiago izan dituzte ekainean
Arlo guztietan gora egin dute ekaineko turismo datuek Euskadin; izan ere, hoteletako gelaren bataz besteko prezioa % 8 garestiago izan da, 138 eurokoa, eta gelen okupazioa, % ia 80koa, % 3 pasatxo altuagoa. Lurraldeka, Gipuzkoan izan du bidaiari-sarrera gorakada handiena, % 11,30, baina hiriburuen artean Bilbon hazi da gehien.
Bizkaiko autoeskoletako langileek hirugarren greba egunari ekin diote
Goizeko 08:30ean manifestazioa abiatu dute Bilboko Casilda Iturrizar Parketik Bizkaiko autoeskoletako irakasleek. Zazpi hilabete daramatzate sindikatuek patronalarekin negoziatzen, baina hainbat bilera egin eta gero, ez dute akordiorik lortu. Hirugarren greba eguna dute gaur, lan hitzarmena berritzea eskatzeko.
Hirugarren greba eguna izango dute Bizkaiko autoeskolek astelehen honetan, azken bilerak porrot egin eta gero
ELA eta CC.OO. sindikatuek hiru greba egun deitu zituzten uztailerako eta partehartze handia izan dute aurreko biek. Aurreko astean, uztailaren 15ean, bildu ziren APAVI patronalarekin baina ez zuten akordiorik erdietsi. Gauzak honela, irailaren 2an izango dute hurrengo bilera.
'La Suizako 6ak' erabat aske uzteko eskatu dute, hirugarren gradua lortu ostean
CNT sindikatuak elkarretaratzeak egin ditu Bilbon eta Donostian, 'La Suizako 6ak' ezizenez ezagun egin diren sei sindikalisten alde. Izan ere, bost emakume eta gizon bati kartzela zigorrak ezarri dizkiete Gijongo 'La Suiza' gozotegiaren aurrean, langile baten kaleratzearen aurka, protestak eta mobilizazioak egiteagatik.
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.