Etxebizitzen salmenta % 15,8 igo da EAEn ekainean
Etxebizitzen salmenta % 15,8 igo da EAEn 2014ko ekainean, 2013ko ekaineko datuekin alderatuta, ostegun honetan EIN Estatistikako Institutu Nazionalak argitaratutako datuen arabera. Nafarroan, bitartean, gorakada % 19,3koa izan da; Foru Erkidegoa, hortaz, gorakadarik handienetakoa izan dutenen artean kokatzen da.
Etxebizitzen salerosketak 879 eragiketa izan ditu ekainean EAEn. Horietatik, 813 ziren askeak, eta 66 babestutakoak. Erabilitako etxebizitzen kopuruak (649) berrienak (230) hirukoiztu zituen, aipatutako hilabetean zehar.
Guztira, 2.200 etxebizitza eskualdatu zituzten ekainean; zehaztutako 879 etxeez gain, beste 61k emateengatik aldatu zuten euren jabetasuna, 9k trukatzeengatik, 790k jarauntsiengatik eta beste 461ek beste egoera batzuengatik.
Nafarroan, gorakadarik handienetakoa
Nafarroari dagokionez, 2014ko ekainean egindako eragiketak 346 izan dira, 2013ko ekainean egindakoak baino % 19,3 gehiago. Horren ondorioz, Foru Erkidegoa hirugarren postuan kokatzen da, Madril eta Extremaduraren atzean, gorakadarik handiena izan dutenen erkidegoen zerrendan.
Estatu mailan, batez besteko gorakada % 8,8koa izan da, EAEn eta Nafarroan egondakoa baino nabarmen txikiagoa.
Albiste gehiago ekonomia
Hiru behargin hil dira lanean 24 orduan
LAB sindikatuak salatu duenez, bi langile hil dira basogintza lanetan, Altsasun (Nafarroa) eta Eskoriatzan (Gipuzkoa), eta beste bat istripu ez traumatikoan, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.
800 alegazio aurkeztu dituzte Mandoiako Feroskana parke eolikoaren aurka, Arratian
200 metroko altuera eta 27 megawtteko potentzia duten sei aerosorgailuz osatutako parke honek Usansolo, Igorre edo Lemoa bezalako udalerriei eragin diezaieke, baita herri txikiagoei ere.
Gobernuak onartu du BBVA Sabadellen jabe izateko EEPa, baina bat-egitea hiru urte barru gauzatuko litzateke
Carlos Cuerpo Gobernuak Ministroen Kontseiluaren osteko prentsaurrekoan iragarri duenez, Gobernuak operazioa onetsi du, baldintza jakin batzuekin. Horrela, bi erakundeek nortasun juridikoa eta ondarea bereizita mantendu beharko dituzte, eta autonomia osoz jokatu beharko dute kudeaketan, hiru urtez. BBVAk eskaintzarekin jarraitzen duen, bertan behera uzten duen edo Gorenean errekurtsoa jartzen duen erabaki beharko du orain.
Bizkarrak bere 12 dendak eta bi lantegiak itxiko ditu ekainaren 30ean
Dendak ditu Galdakaon (5), Bilbon (3), Usansolon (2), Basaurin (1) eta Lemoan (1), bai eta bi lantegi ere, okindegia bata eta gozotegia bestea, biak Usansolon.
45 urteko langile bat hil da Altsasun, zuhaitzak mozten ari zela adar bat gainera erorita
Behargin errioxarra baso lanetan ari zela adar bat erorita hil da. Bertara iristeko zaila den baso batean gertatu da ezbeharra, Auntzetan. LAB sindikatuak salatu duenez, aurten dagoeneko 29 behargin hil dira Euskal Herrian.
José Antonio Jainagak jasoko du aurtengo Joxe Mari Korta Saria
Uztailaren 10ean Donostian jasoko du saria Jainagak, Imanol Pradales lehendakaria buru izango duen ekitaldi batean.
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
Langileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.