Sindikatuen mobilizazioak, Osakidetzari 'proposamen serioa' eskatzeko
Osakidetzako sindikatuek mobilizazioak abiatu dituzte Eusko Jaurlaritzak Osasun alorrean egin dituen murrizketen kontra, eta jarrera aldatzeko eta mahai sektorialean "proposamen serioa" aurkezteko deia egin diote Osasun Sailari.
Gurutzetako ospitaleko langileek kontzentrazioa egin dute Barakaldoko osasun zentroaren aurrean, SATSE, ELA, LAB, SME, FFHE, CCOO, UGT eta ESK sindikatuek EAEko ospitaleetan deitu dituzten itxialdiekin bat eginez.
Peio Igeregik (ELA) kontzentrazioan bertan azaldu duenez, astelehenean Jaurlaritzak mahai sektorialean aurkeztu zien proposamena "iraingarria" izan zen, eta "errespetu falta" izan zen "proposamen seriorik egin ez izana".
Igeregiren arabera, langileei geratzen zaien bakarra mobilizazioa da, eta "urriaren 30etik aurrera Osakidetzak jarrera aldatzen ez badu eta proposamen serio bat egiten ez badie", lanuzteak abiatuko dituzte.
Eusko Jaurlaritzak osasun publikoan 200 milioi euroko murrizketa egin duela, 3.000 pertsona baino gehiago kaleratu dituela eta 8.000 langile behin behineko kontratuarekin daudela salatu du.
Gogora ekarri duenez, gaurko mobilizazioak "lehenengo pausoa" izan dira, eta urriaren 4an jarraituko dute, EAEko hiru hiriburuetan egingo dituzten manifestazioekin, osasun publikoaren kalitatea hobetzeko, lanpostuak sortzeko eta lan-baldintza "duinak" edukitzeko asmoz.
Protestarako “benetako arrazoirik” ez dela uste du Darponek
Jon Darpon Osasun sailburuaren hitzetan, ez da “benetako arrazoirik” Osakidetzako sindikatuak proposatzen ari diren protestetarako.
Sailburuak azaldu duenez, “hau ez da lan-borrokarako garaia, sindikatuak bultzatzen ari diren moduan”, “ez delako horretarako benetako arrazoirik”. “Gaur egun ez da ezberdintasunik Osakidetzako langileen lan-baldintzetan, iaz zituztenekin alderatuta”, azpimarratu du.
Euskal Osasun Zerbitzuaren helburua “publikoa eta kalitatezkoa bezala mantentzea” dela “inork ahaztu ez beharreko” gauza dela adierazi du sailburuak.
Darponek adierazi duenez, sindikatuek “badakite Osakidetzak negoziaziorako ateak irekita mantentzen dituela, eta eskaintza garrantzitsu bat egin duela”. Azaldu duenez, eskaintza horrek “Jaurlaritzari esfortzu ekonomiko bat eskatzen dio, eta, ondorioz, herritarrei”, gaineratu du.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.