Grebaren jarraipena %5,1koa izan da, Osakidetzaren arabera
Goizeko eta arratsaldeko txandetan grebaren jarraipena % 5,1ekoa izan dela adierazi du Osakidetzak. Zazpi orduko lanuztea Arabako osasun azpiegituretan deitu dute Osakidetzako sindikatuek.
Hala ere, sindikatuen esanetan, jarraipena "handia" izan da eta aurreko asteko lau orduko lanuzteak izandakoa baino "handiagoa".
Osakidetzak agiri batean azaldu duenez, bi txandetan lan egin behar zuten 4.272 langileetatik, 4.052 lanpostuan izan dira eta 220k greba egin dute.
Medikuen % 4,5ek lanuztean parte hartu dutela goraipatu du Osakidetzak. Bestalde, erizainen % 5,7k greba egin dute. Gainerako osasun langileen % 5,1ek lanuzteari babesa eman diote.
“Negoziazio mahaia zabalik” dagoela errepikatu du arratsaldean Osakidetzako Zuzendaritza Nagusiak. Zentzu horretan, azaroaren 24an Sektorearen Mahaia berriz biltzeko proposamena egin die sindikatuei.
Lanuztea SATSE, ELA, LAB, SME-FFHH, CCOO, UGT eta ESK sindikatuek deitu dute. Eguerdian manifestazioa egin dute Gasteizen, Andre Maria Zuriaren plazatik hasita. Gipuzkoan eta Bizkaian elkarretaratzeak egin dituzte erietxe eta osasun-zentroetan.
"Kalitatearen alde, negoziazioa orain" lelopean, lan-baldintzak hobetzea eta osasun-zerbitzuari zuzenean eragiten dioten murrizketak bertan behera uztea eskatu dute sindikatuek.
"Osakidetzan galdu diren lanpostuak errekuperatu, neurrizko lan-karga izan, osasun-zerbitzua hobetu eta langileen arteko soldata bereizketak desagertzea" eskatzen dute.
Mobilizazio "neurrigabeak"
Sindikatuen mobilizazioak "neurrigabeak" direla salatu du Osakidetzak. Jose Maria Armentia Osakidetzako Giza Baliabideetako zuzendariaren esanetan, goizeko txandan "normaltasuna" izan da nagusi eta ez da azpimarratu beharreko gertaerarik izan.
Osakidetzako buruak azpimarratu du negoziazioren aldeko apustua egiten jarraituko dutela, eta sindikatuekin akordioa lortzeko helburua dutela gaineratu du.
"Mobilizazioak neurriz kanpokoak direla uste dugu, eta euskal gizartearen gehiengoak ere iritzi bera duela ziur nago", gaineratu du.
Sindikatuen esanetan, grebak jarraipen zabala izan du
Sindikatuek ez dute grebaren jarraipenari buruzko daturik eman, gutxieneko zerbitzuak "gehiegizkoak" izan direla argudiatuta. Dena den, grebaren jarraipena "handia" izan da sindikatuen arabera, eta aurreko asteko lau orduko lanuzteak izandakoa baino "handiagoa".
Osakidetzako arduradunek sindikatuen mobilizazioak neurriz kanpokotzat jo ostean, sindikatuek adierazi dute neurrigabea 3.000 lanpostu deuseztatzea dela.
Mahai Sektorialaren hurrengo bileraz galdetuta, deialdirik eta gai-ordenik ez dutela jaso salatu dute. Halaber, Osakidetzak enpleguaren aldeko "benetako apustua" egiten badu akordioa lortuko dutela azpimarratu dute.
Osakidetzaren jarrera "inposatzailea"
Sindikatuek deitutako mobilizazioen aurrean, "Osakidetzak jarrera inposatzaileari eustea erabaki du", horien esanetan.
"Jarrerak hurbiltzeko, negoziatzeko saiakera txikiena ere ez dute egin Giza Baliabideen Zuzendaritzak edo Jon Darpon Osasun sailburuak", azaldu dute. Horrez gain, ezarritako gutxieneko zerbitzuak "gehiegizkoak" direla nabarmendu dute, eta horrek agerian utzi duela, euren ustez, "Osakidetza urduri" dagoela.
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.