BBK eta Vital kutxek Espainiako Bankuari: 'Ez gara bat eginda aritzen'
Espainiako Bankuak urrian kutxei bidalitako zirkularraren zirriborroari erantzun diote BBK kutxa bizkaitarrak eta Vital Kutxa arabarrak. Bankuak presioa egin zien kutxei, bankuen berregituraketaren ondorioz sortzen diren erakunde berrietan duten parte-hartzea murrizteko edo, hala egin ezean, balizko krisiei aurre egiteko erreserba funts bat sortzeko.
Horren aurrean alegazioak aurkeztu dituzte EAEko kutxek. BBK-k gaur igorri ditu bere argudioak, eta Vitalek atzo bidali zituen. Kutxa gipuzkoarrak ere gaur bidali ditu alegazioak, baina ez du zehaztu zer-nolako argudioak erabili dituen.
Vitalek eta BBK-k bi arrazoi nagusi eman dituzte zirkularraren aurrean. Horien esanetan, batetik, hiru kutxak ez dira modu adostuan bat eginda aritzen eta ez dago kontzentraziorik, eta, bestetik, aurreikusitako erreserba funtsaren kopurua gehiegizkoa da.
BBK-k eta Vitalek euren alegazioetan agertu dutenez, hiru kutxek ez dute modu adostuan bat eginda jokatzen; bakoitzak bere prozesu propioak ditu eta bakoitzak bere aldetik darama gizarte-ekintza.
Espainiako Bankuak argudio hori onartuko balu, BBK-k bakarrik murriztu beharko luke Kutxabanken duen parte-hartzea, edo 300 milioi euroko erreserba funtsa osatu beharko luke (700 milioi eurokoa eskatzen zuen Espainiako Bankuak).
Vitalek atzo aurkeztutako alegazioetan, bestalde, forma-akatsak egotzi zizkion Espainiako Bankuari. Arabako kutxaren arabera, hiru kutxek bat eginda jokatzen dutela esateko eta Kutxen Legea garatzeko eskuduntzarik ez du Bankuak, erakunde ikuskatzailea baita, ez arautzailea.
Prozesu luzea
Espainiako Aurrezki Kutxen Konfederaziora igorri dituzte alegazioak. Honek txostena egingo du eta Espainiako Bankuari bidaliko dio.
Ondoren, zirkularra idatzi beharko du Espainiako Bankuak, baina Estatu Kontseiluak txostena egin arte ez da indarrean sartuko. Estatuko goi-erakundearen idatzia ez da loteslea, baina bai beharrezkoa behin betiko zirkularra kaleratzeko.
Alegazioei erantzuten zaien bitartean, orain arte bezala arituko dela argitu du BBK-k, hau da, "zorroztasunez, profesionaltasunez eta Legea errespetatuz".
Zure interesekoa izan daiteke
Langile bat larri zauritu da tren batek harrapatuta, Manzanosen (Araba)
Tren-zirkulazioa eten egin da, baina pixkanaka bere onera itzuli da 16:00ak alderako.
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.