Eroskik ez du ekarpenen eskaintza aldatuko, Kontsumobideren ustez
Elena Unzueta Kontsumobide Kontsumoko Euskal Institutuaren zuzendariaren ustez, Eroskik ez du mendeko ekarpenen trukearen inguruko eskaintza aldatuko eta urtarrilean proposatutakoari eutsiko dio.
Unzueta Jon Darpon Eusko Jaurlaritzako Osasun sailburuarekin batera agertu da gaur Eusko Legebiltzarrean, EH Bilduk hala eskatuta. Eroskiren ekarpenetan 600 milioi euro inbertitu zuten 40.000 lagunen auzia zertan den azaldu dute biek.
Kontsumobideren bitartekaritzarekin, mendeko ekarpenen gatazka konpontzeko asmo-akordioa izenpetu zuten urtarrilean Eroskik eta banketxeek. Horren arabera, ekarpenaren % 15 eskudirutan jasoko lukete bezeroek, eta % 55, 12 urterako bonutan. Horrez gain, % 30eko kita egongo litzateke.
Eskaintza hori, baina, Eroskiren birfinantziazio prozesua bukatzen denean gauzatu ahalko da, eta prozesu hori amaitzeke dago oraindik.
Abuztuan, 2.605 milioi euroko zorra birfinantzatzeko akordioa erdietsi zuen kooperatibak finantza-erakundeekin.
Horrez gain, azaro hasieran Eroskiren 160 saltoki erosi zituen Diak, 146 milioi euro ordainduta.
Birfinantzazioa, 2014a bukatu baino lehen, bukatuta
Jon Darpon Osasun sailburuak agertu duenez, kitaren eskaintza ez da Jaurlaritzak proposatutakoa, ezta Gobernuak "nahi zuena ere", baina kaltedunek har dezaketen hiru bideetako bat da. Izan ere, Eroskiren eskaintza hau onartzeaz gain, epaitegietara jo edo inbertsioa bere horretan uzteko aukera dute kaltedunek.
Sailburuaren esanetan, kitaren eskaintza "bere horretan dago", Eroskik ez duelako bere zorra birfinantzatzen amaitu, baina "laster" buka daiteke prozesu hori, horren ustez.
Kontsumobideren zuzendariaren arabera, Eroskik zorra itzultzen amaitzen duenean, Kontsumoko Euskal Institutuak trukea nola egin behar den azalduko die kaltedunei. Hori urtea amaitu baino lehen izango dela aurreratu du Unzuetak.
Alderdien iritzia
Auzi honetan Kontsumobidek eta Eusko Jaurlaritzak izan duten jarrera kritikatu dute EH Bildu, PSE eta UPyD alderdiek. Kaltedunei "adarra jotzea" eta milaka laguni eragin dien arazoa konpontzeko "ezgai" izatea egotzi diete bi erakundeei.
EAJk, bestalde, txalotu egin du Kontsumobideren lana.
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.