Aenaren %28 burtsaratuko du Espainiako Gobernuak
Ministroen Kontseiluak Aenaren %28 burtsara ateratzeko erabakia hartu du, saltzeko eskaintza publikoaren bidez. Horrela iragarri du Soraya Saenz de Santamaria Espainiako Gobernuko presidente ordeak.
Kontseiluaren ondorengo prentsaurrekoan Ana Pastor Sustapen ministroak eta Saenz de Santamariak prozesuaren nondik norakoak azaldu dituzte. Ana Pastorrek defendatu duenez, “pribatizazio prozesua PPk azken urteetan egin duen kudeaketa aldaketaren ondorio da”. Aenak konpainia publikoa izaten jarraituko duela azpimarratu du ministroak.
“Azken hiru urteetan zenbaki gorriak izatetik saldo positiboa izatera igaro da konpainia. Langileei soldatak ezin ordaindu izatearen egoera gainditu du”, adierazi du.
Konpainiaren esplotazioaren etekin gordina bikoiztu egin dela esan du, “800 milioitik 1.600 milioira”. “Iazko urtean, Aenaren aireportuetako trafikoak 195 milioi bidaiari gainditu zuen”, nabarmendu du.
Kapital pribatuaren sarrerak enpresaren “kudeaketa indartuko” duela esan du, baita aireportuak kudeatzeko ereduaren jasangarritasuna ere.
Aenaren kapitalaren %49 pribatizatu behar du Gobernuak. %28 akzioak burtsara ateraz pribatizatuko dute eta %21 jada aukeratuak izan diren hiru bazkideri sarrera emanaz. Ondorengoak dira horiek: Ferrovial, Corporacion Financiera Alba eta The Children's Investment Fund funts britainiarra.
Ministroen Kontseiluaren oniritziaren ondoren, Balore Merkatuaren Batzorde Nazionalak gaur arratsaldean aztertu behar du operazioaren dokumentua. Horretan zehaztuko da, besteak beste, akzioen prezioa.
Datozen asteetan Europako eta AEBko finantza gune nagusietan ibiliko da Aena eta bere eskaintza emango du ezagutzera. Otsailaren 11n aterako dira burtsara akzioak.
Zure interesekoa izan daiteke
Petronorren Muskizko findegiko unitate guztiak geratu dituzte hornidura elektrikorik ez dagoelako
17:15ean segurtasun-neurri guztiak aktibatu dira automatikoki, eta ke beltza atera da hiru tximinietatik.
Beste greba egun bat Tubos Reunidosen, espedientea negoziatzeko batzarrarekin bat eginez
Langileek 24 orduko geldialdia egingo dute astelehenean zuzendaritzari presioa egin eta enplegu-erregulazioko espedientearen baldintzak hobetze aldera.
Pentsiodunek ez dute trukerako txanpona izan nahi: "Ez dezatela pentsioekin jolastu"
Euskal Herriko Pentsiodunen Mugimenduak deituta, milaka pertsona bildu dira Bilbon eta Donostian egin diren manifestazioetan. Kolektiboak berriro eskatu du gutxieneko pentsioak lanbide arteko gutxieneko soldatarekin parekatzea, bereziki emakume pentsiodunak "duintasunez bizi daitezen eta hilaren amaierara irits daitezen".
Mercosurren eta EBren arteko akordioaren kontra egin dute ehunka lagunek Gasteizen
Lehen sektoreko kideek, traktore eta guzti, manifestazioa egin dute larunbat honetan Gasteizen, Europar Batasunaren eta Mercosurren arteko akordioaren aurka eta Euskal Herriaren elikadura-subiranotasunaren alde. Araba Bizirik, Ataca, Bionekazaritza eta UAGA elkarteek deitutako protestan, itun horrek elikagaien osasuna eta segurtasuna arriskuan jarriko dituela salatu dute, "Europan debekatuta dauden pestizida, transgeniko eta osasunerako kaltegarriak diren hormonak erabiltzen dituzten multinazionalei ateak are gehiago irekitzen dizkielako".
Solaria Zierbena proiektuak Araban "kalte konponezinak" eragin ditzakeela salatu dute
Kaltetutako udalerrietako ordezkariek, eragile sozialek, sindikatuek eta tokiko agintariek protesta egin dute larunbat honetan Gasteizen, Solaria enpresak bultzatutako Zierbena Solar "makroproiektu fotovoltaikoa irmoki gaitzesteko", Araba Bizirik plataformak jakinarazi duenez.
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Mobilizazio jendetsua egin dute Amurrion Tubos Reunidos eta Maderas de Llodio enpresetako langileei babesa adierazteko
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.