AHTaren lanak eten dituzte Hernani eta Astigarraga artean
Abiadura Handiko Trenaren (AHT) Gipuzkoako zatian, Hernani eta Astigarraga arteko tartean, lanak eten dituzte "behin-behinean", Euskal Trenbide Sareak (ETS) jakinarazi duenez.
Lanok duela 20 egun daude etenda, eta oraingoz ez dute jakinarazi noiz arte egongo diren geldituta. ETSko iturrien arabera, hiru arrazoi daude lan horiek eteteko: batetik, lursail batzuk desjabetzeko arazoak daude; bestetik, Ingurumen Ministerioko Kosta Zuzendaritzaren baimen batzuk falta dira, eta, azkenik, Adifek proiektua noiz moldatuko duen zain daude.
Hori guztia dela eta, duela bi aste gelditu zituzten lanak, eta hala egongo dira "kontu hauek argitu arte, izan ere, ezin zuten horrela aurrera jarraitu", esan dute ETSko iturriek.
Lursailen desjabetzeari dagokionez, banako batzuekin izan dira arazoak, ez Hernani, Astigarraga edo Donostiako udalekin, horien esanetan.
Kosta Zuzendaritzaren baimenak hizpide, Gipuzkoako zati honetan Urumea hiru aldiz zeharkatzen duen zubia eraiki behar dutela gogorarazi du ETSk, eta, horrenbestez, baimenok ezinbestekoak dira.
Azken arazoari buruzko azalpenak ere eman ditu Eusko Jaurlaritzaren menpeko erakundeak: "Hasiera batean, Astigarragan geltokia zegoen aurreikusita, baina azkenean hirugarren linea egitearen alde egin zuten eta, hala, proiektua aldatu behar du Adifek".
Zure interesekoa izan daiteke
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Tubos Reunidoseko langileek 24 orduko lanuztea hasiko dute gaur gauean, enplegu-erregulazio prozesuaren aurrean
Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die.
Makinistek greba abiatuko dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide-sektoreko sindikatuek otsailaren 9, 10 eta 11n deitutako hiru greba-egunetarako.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".