'Kutxabankek ez du kalte ekonomikorik izan Cabieces auziagatik'
Mikel Cabieces Gobernuko ordezkari ohiari egindako ordainketak Fiskaltzara igortzeko eskaera Espainiako Bankutik etorri zela azpimarratu du gaur Gregorio Villalabeitia Kutxabankeko presidenteak. Eskaera “idatziz eta ahoz” helarazi ziotela zehaztu du.
“Esan ziguten, eskatu ziguten, atzemandako operazioa Fiskaltzara igortzeko. Ez ziguten besterik eskatu. Guk agindua bete genuen, baina ez genuen salaketarik jarri edota pertsonatzea erabaki”, gaineratu du.
Kutxabanki egindako “kalte ekonomikoa” konpondutzat eman du Villalabeitia, eta hori izan da, gaineratu duenez, ez pertsonatzea erabakitzeko arrazoi nagusia. “Egoera honetatik urrundu behar gara, ez baitio bankuari laguntzen”.
Hala ere, Kutxabanken sinesgarritasunari kalte egin dakioken edozein mehatxuren aurrean, bankua “gorputz eta arimaz” defendatuko dutela esan du Villalabeitiak.
2014ko balantzea aurkezteko agerraldian eman ditu azalpenok Kutxabankeko presidenteak.
Atzo, Kutxabankeko ezohiko administrazio kontseiluak erabaki zuen ‘Cabieces auzian ez pertsonatzea.
Kutxabankek salaketa jarri zuen, ustez, bankuak Mario Fernandezen agintaldian Mikel Cabieces Espainiako Gobernuko EAEko ordezkari ohiari egin zizkion legez kanpoko ordainketak (243.593 euro) tarteko.
Ordainketen ingurukoak aurreneko lan-egunean azaldu zizkiotela nabarmendu du Kutxabankeko presidenteak. “Edonor bezala, auditoria-espedientea irekitzea erabaki nuen”:
Une hori “oso gogorra” egin zitzaiola esan du.
Fiskaltzari ordainketa irregular horien inguruko informazioa igorri ondoren, bankuan auditoria irekitzea erabaki zuen, Europako Banku Zentralak eskatu bezala.
Orain arte, bankuak ez du irregulartasun gehiago atzeman.
Orain, epaileak erabaki beharko du auziarekin aurrera jarraitu ala ez, Fiskaltzaren akusazioak indarrean jarraitzen baitu.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.