LABek hitzarmenen negoziazioa desblokeatzeko proposamena aurkeztu du
LABek aurkeztu du, ostiral honetan eta Lan Harremanen Kontseiluan, "hitzarmenak desblokeatzeko proposamen bat"; bertan, KPIrena baino igoera handiagoa proposatzen du soldatetarako, "erosteko ahalmena berreskuratzeko", eta hainbat klausula sustatuko lituzke "lan-erreformaren aurkako akordioak" sendotzeko asmoarekin.
Bere proposamenean, sindikatuak gaitzesten du "gutxiengoak sinatutako akordioak", eta esaten du "oso larria" izango litzatekeela "gehiengoa ez errespetatzea; hori oinarri demokratikoa da, eta zenbait iskanbila sortuko lituzke horren kontra egitea".
LABeko ordezkariek Lan Harremanen Kontseiluan eman dute agiria, Donostian, eta elkarretaratzea egin dute, "Hitzarmen duinak. Behin-behinekotasunari ez" lemapean. Elkarretaratzean, "Adegi, lapurrak", edo "hemen lan egiten dugu, hemen erabakitzen dugu" oihukatu dute.
Lan Harremanen Kontseiluak "parte hartu behar du"
Garbiñe Aranburu LABeko Ekintza Sindikalaren idazkariak azaldu du proposamena Lan Harremanen Kontseiluko egoitzetan aurkeztuko dutela; izan ere, sindikatuak uste du erakunde horrek "parte hartu behar duela", negoziazio kolektiboaren blokeoaren aurrean, eta eskatu behar diela Euskadiko patronalei bilerak "benetako borondate negoziatzailearekin" deitzea. Aranbururen iritziz, borondate hori ez zuen Confebaskek hilaren 3ko bileraren deialdian. Azkenean, patronalak bertan behera utzi zuen bilera; izan ere, LABek esan zuen behin-behinekotasunak kaltetutako bi langile bidaliko zituela bilerara.
Topaketa haren atzetik, LABen esanetan, "behin-behinekotasuna hedatzeko asmoa besterik ez zegoen, Estatu mailan adostutako akordioa Euskal Herrira ekarriz". CCOO eta UGT sindikatuek eta CEOE eta Cepyme patronalek adostu zuten hitzarmen hori. Aranburuk, berriz, galdegin du soldatetan akordio horrek aurreikusten dituenak baino igoera handiagoak egon beharko liratekeela, eta esan du LABek ez duela onartuko "beste atzerapenik lan-baldintzetan".
Aranburuk, halaber, esan du bere sindikatuak hartu duela erabaki sendoa: langileak mugiaraztea. Halaber, azaldu du LABek bere ekintza sindikala berrituko duela, "negoziazio kolektiboen mahaiek esaten dutena edo esaten ez dutena kontuan izan gabe".
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.