Aurtengo defizit helburua beteko duelakoan dago Nafarroako Gobernua
Uxue Barkosek zuzentzen duen gobernuak espero du 2015erako ezarritako defizit helburua (Barne Produktu Gordinaren % 0,7) beteko duela, baina 'zuhur' agertu da. Ekaineko datuak eskuan, helburu hori beteko duelakoan dago, nolanahi ere.
Foru gobernuaren diru kontuen azterketa egin du Nafarroako Exekutiboak, eta horren berri eman dute prentsaurrekoan Uxue Barkos Nafarroako presidenteak, Manu Ayerdi Garapen Ekonomikorako lehendakariordeak eta Miguel Laparra Eskubide Sozialetarako lehendakariordeak.
Ayerdik azaldu duenez, defizit helburua betetzeko gakoa da UPNren aurreko gobernuak eta Espainiakoak “ustez lortutako akordioa” betetzea. Hau da, hidrokarburoen eta energia elektrikoaren gaineko zergei dagozkien 73 milioi euroak defizit gisa ez zenbatzearena.
Ekaineko datuak eskuan, 200 milioi euroko defizita du Nafarroako Gobernuak (BPGaren % 1,09), 2015 amaierako ezarritako helburutik urrun, beraz. Baina akordioa beteko balitz, “ozta-ozta” beteko luke helburua.
Barkosen ustez, “Nafarroako Gobernuak dituen diru-sarrerak nahiko ondo daude, baina betebehar asko daude 2015erako, eta horiek betetzen saiatuko gara”.
Erreforma fiskala
Ayerdiren esanetan, datu hauek hilez hil aldatzen dira, baina uztaileko datuak ikusita, dena hoberantz doala ematen duela gaineratu du. Dena den, 2016ko aurrekontuetarako lerroak zehaztu aurretik, “non gauden jakin behar dugu”, gaineratu du.
Gobernuak erreforma fiskalari heltzeko asmoa duela esan du Ayerdik, eta irailean agente ekonomikoekin “batzar formala” izango dutela aurreratu du.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.