Merkataritza itun historikoa adostu dute AEBk eta beste 11 herrialdek
Bost urte behar izan dira, baina azkenean lortu dute. AEBko Gobernuak merkataritza itun historikoa adostu du bart Ozeano Bareko 11 herrialderekin: TPP (Trans-pacific Partnership) Lankidetza Transpazifikorako Ituna. Hori sinatu duten 12 herrialdeek munduko barne produktu gordinaren (BPG) % 40 sortzen dute.
AEBk, Obama presidentearen setak batez ere, bultzatutako ituna da, eta inguru horretan Txinako ekonomiak duen indarra apaltzea du helburu. 12 herrialde horiek muga-zergak gutxitu dituzte (AEBrenak dezente txikiak ziren, baina gainerako herrialdeei eragin die batez ere) eta joko-arau komunak ezarri dituzte. Merkataritza askeko gunea eratzea da helburua.
Hauek dira ituna sinatu duten herrialdeak: AEB, Japonia, Australia, Brunei, Kanada, Malaysia, Mexiko, Zeelanda Berria, Peru, Singapur eta Vietnam.
Akordioak denean izango du eragina: botiken industrian hasi, eta automobilgintza, ehungintza eta nekazaritza ere zipriztinduko ditu. Besteak beste, Japoniako auto ekoizpenari eta AEBko botiken industriari egingo die mesede. Hala, atzerrian egindako ibilgailuei ezarritako bidesariak kendu egingo dituzte, piezen % 45 ituna izenpetu duten herrialdeetan egiten baitira. Horrez gain, bereziki protekzionista diren Japoniak eta Kanadak nekazaritza alorrean ezarritako muga-zergak erretiratuko dituzte.
Balio geopolitikoa
1993tik, AEBk, Kanadak eta Mexikok NAFTA ituna izenpetu zutenetik, eskualdean adostu den merkataritza akordio garrantzitsuena da honakoa. Itunak balio geoestrategikoa du, Txinak duen nagusitasuna apaltzeko asmoa baitu. Gainera, AEB Europar Batasunarekin negoziatzen ari den Merkataritza eta Inbertsiorako Itun Transatlantikoan (TTIP, ingelesez) ere izango du eragina.
Barack Obama AEBko presidenteak ohar batean nabarmendu duenez, itunak "gure nekazarien, abeltzainei eta manufaktura lanetan dabiltzanei mesede egingo die, eskualdean duten pisua orekatu eta 18.000 zerga kentzea ahalbideratuko baitu".
TPParen inguruko akordioa erdiestea lehentasuna izan da Obamarentzat. Udaberrian horrelako itunak prozedura azkar baten bidez (ezin zaizkio zuzenketak aurkeztu) onartzea lortu zuen, baina, hori gorabehera, Kongresuak onartu beharko du. Errepublikanoak eta ezkerreko demokratak kontra daude, eta baliteke hilabeteak behar izatea itunari behin betiko onespena emateko. Gainerako 11 herrialdeen ganberek ere berretsi beharko dute, eta, honenbestez, baliteke luze jotzea.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.