Nafarroako ekonomia % 3,1 hazi da 2015eko 3. hiruhilekoan
Nafarroako ekonomia % 3,1 hazi da 2015eko hirugarren hiruhilekoan, iazko epe berarekin alderatuta.
Nafarroako Estatistika Institutuak emandako datuen arabera, aurreko hiruhilekoarekin alderatuta, foru erkidegoko Barne Produktu Gordina (BPG) % 0,8 igo da.
Eraikuntzak, zerbitzuek eta industriak erakutsitako dinamismoak ekarri du azken hiruhileko honen gorakada, betiere Nafarroako Estatistika Institutuaren arabera.
Manu Ayerdi Nafarroako Gobernuko Ekonomia presidenteordeak azaldu duenez, BPGren bilakaera ikusteko krisi ekonomikoaren hasiera hartu dute abiapuntutzat, 2007a, hain zuzen ere.
Analisi horren arabera, “Nafarroako BPGk nabarmen gainditu du urte hartan zuen BPGa eta Estatukoak edo Euskal Autonomia Erkidegokoak baino hazkunde handiagoa izan du; horrenbestez, datorren urteko hazkundea % 2,9koa izango dela aurreikusi dugu”, erantsi du.
Alabaina, Ayerdik ohartarazi du Nafarroako ekonomiaren egonkortze horretan eragin negatiboa izan dezaketen hainbat faktore zaindu beharko dituztela datozen hilabeteetan, hala nola, Txinako ekonomiaren atzeraldia, Nafarroak susperraldian dauden herrialdeetara egindako esportazioak, enpleguaren kalitatea, produktibitatea eta Volkswagenen eskandaluak eragindako ezinegona.
Enplegua
Enpleguari dagokionez, Ayerdik aitortu du sortutako enplegua “behin-behinekoa” dela eta kontratu mugagabeak “minimoak” direla.
Horrez gain, kezka agertu du soldaten arteko aldea gero eta handiagoa delako. “Aldi baterako enpleguetako ordainsariak 2008an baino % 30 baxuagoak dira eta joera horrek ez du etenik”, deitoratu du.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.