Primark erraldoiak denda handia zabalduko du Bilboko Plaza Biribilean
Primark konpainia erraldoiak denda handi bat zabalduko du Bilbon, El Correo egunkariak eta Radio Euskadik gaur aurreratu dutenez.
Irlandako multinazionala BBVA bankuarekin akordio bat adostu du Plaza Biribileko dorrean denda bat zabaltzeko. Dendak dorrearen sei solairu hartuko ditu.
Urrian Madrilgo Kale Nagusian denda bat zabaldu ostean, Irlandako enpresak bere tamaina bikoizteko asmoa du, eta, horretarako, 2016an dendak irekiko ditu Palman eta Valentzian, Paul Marchant kontseilari delegatuak egindako iragarpenaren arabera. Horren esanetan, aipatutako horiez gainera, hurrengo denda erraldoiak Bilbon eta Bartzelonan irekiko ditu.
Primarkek urrian inauguratu zuen 12.400 metro koadroko denda Madrilgo Kale Nagusian, Irlandako kateak Espainian duen marka bakarreko arropa-denda handiena. Horrela, bere prezio baxuengatik ezaguna den enpresak buelta eman dio Estatuan duen estrategiari. Merkataritza-gune periferikoetan zabaldu izan ditu orain arte saltokiak; Portugalete udalerriko Ballonti zentroan duena horren adierazle garbia da.
Hasierako saltokiek, batez beste, 3.500 metro koadro zituzten; lokal berriak, berriz, 5.300 metro koadro ingurukoak dira.
Hori dela eta, establezimendu berriak zabaltzeaz gain, dagoeneko badituenak birmoldatu edota lekuz aldatuko ditu, beroriek handitzeko asmoz eta egun enpresak duen irudi sofistikatuagoarekin bat egin dezaten.
Gaur egun, Primarkek 287 denda ditu Europako bederatzi herrialdetan eta AEBn, 62.000 langile ditu eta 6.000 milioi euro fakturatzen ditu urtean.
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.