'Neurririk hartu ezean' lantegia ixteko arriskua dago, dio Arcelorrek
Arcelor Mittalek esan duenez, merkatuko egungo baldintzak mantenduz gero, Sestaoko ACB (Aceria Compacta de Bizkaia) lantegia "ez da bideragarria ekonomikoki" eta, Europan "berehalako neurriak" hartzen ez badira, Txinako lehiakortasunari aurre egiteko, baliteke plantak "behin betiko itxi behar izatea". Hori dela eta, ziurtatu duenez, ez dakite burdinola bizkaitarra berriz zabalduko ote duten, baina, merkatua aldatu ezean, "ez dago aurrera egiterik", enpresak Europa Press albiste agentziari jakinarazi dionez.
Arcelor Mittalen bozeramale baten hitzak dira, ostegunean Sestaoko ACB lantegiak behin behinean eta mugagabean itxiko duela iragarri ostean.
Enpresak jakinarazi duenez, gaur egun, harreman egonkortu eta ohikoak dituzte Sestaoko Udalarekin, Bizkaiko Diputazioarekin eta Eusko Jaurlaritzarekin.
Gainera, lantegiko bozeramalearen arabera, behin behineko geldialdi mugagabea egitea erabaki dute "merkatuko baldintzek" ez dutelako erakusten "noiz" zabaldu ahal izango duten, ezta egingo duten ere.
Neurriak Europan
Enpresak esandakoaren arabera, altzairuaren kostua "askoz ere handiagoa" da Espainian, Europako beste herrialdeetan baino, esaterako, Alemanian % 38ko ezberdintasuna dago salneurrian, datorren urteari begira, eta horrek "oso zail" egiten du beste herrialde europarrekin lehiatzea, "bereziki Txinatik etorritako altzairua, % 30 merkeagoa, edonon topatzen denean".
Arcelor Mittalen arabera, “Europak ez ditu neurri azkarrik hartu eta Txinaren lehiakortasunari erantzuteko berehalako neurriak hartzea ezinbestekoa da; horrela egin ezean, Sestaoko lantegia behin betiko ixteko aukera dago”.
“Une honetan geldialdia mugagabea da; lantegia berriro martxan jartzeko merkatuaren baldintzak aldatu egin beharko lirateke, Txinak saldutako altzairuaren prezioa, hemen ekoitzitakoa baino %25-30 merkeago saltzen baitu”, erantsi du.
“Ekonomikoki ez da bideragarria”
Konpainiak dio egun ezinezkoa dutela egoera aldatuko den edo ez aurreikustea, “eta egoera horretan lantegiak ezin du martxan egon, dirutza galtzen duelako”.
Gauzak horrela, Arcelor Mittalek esan du Sestaoko fabrika ekonomikoki ez dela bideragarria, “merkatuan dauden prezio baxuen ondorioz”.
“Altzairutegi elektriko bat da Sestaokoa eta energia elektrikoaren kostea oso altua da”, erantsi du.
Albiste gehiago ekonomia
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.