Euskal industriarentzako larrialdi plana aurkeztu du EH Bilduk
EH Bilduk euskal industria "salbatzeko" larrialdi plana aurkeztu du gaur, eta egitasmo horren baitan "arrisku egoeran" dauden enpresak salbatzeko eta enpresak sustatzeko edota birmoldatzeko funtsa sortzea proposatu du.
Hasier Arraiz eta Oihane Zabaleta EH Bilduko kideek egitasmoaren nondik norakoak aurkeztu dituzte Donostian egindako prentsaurrekoan. Azaldu dutenez, laster aurkeztuko dute proposamena Eusko Legebiltzarrean eta erakundeen, gizarte eragileen eta eragile politiko zein ekonomikoen ekarpenak jasotzeko prest agertu dira. Gaineratu dutenez, euskal industria salbatzeko herrialde ituna adostea da koalizioaren helburua.
Arrisku egoeran dauden enpresak salbatzea eta industria sektorea bultzatzeko eta birmoldatzeko neurriak hartzea helburu duen planaren nondik norakoak aletu ditu Arraizek. Hiru puntu ditu aipaturiko larrialdi planak.
Lehenik, industriarako inbertsio funtsa sortzea proposatu du EH Bilduk, urtero 800 milioi euroko aurrekontua izango lukeena. Arraizek adierazi duenez, erakunde publikoek finantzatuko lukete funtsaren % 60a (Eusko Jaurlaritza + hiru foru diputazioak) eta sektore pribatuak, ostera, gainerako % 40a. Are gehiago, Arraizen esanetan, euskal kutxei dirua jartzea dagokie "euskal industria sarea" bultzatzeko.
Bigarrenik, ikerketa eta garapenerako gizarte akordio handi bat lortzea proposatu du. Ildo horretan, datozen bost urteotan eta "modu progresiboan" Eusko Jaurlaritzaren aurrekontuaren %3a I+G+B alorrera (Ikerketa, Garapena, Berrikuntza) bideratzea iradoki du.
Hirugarrenik, industria sektorea energia eraginkortasun estrategietara egokitzeko plana ere proposatu du.
Zure interesekoa izan daiteke
Argindar-konpainien bezeroak babesteko neurri-sorta onartu du Espainiako Gobernuak, tartean dei komertzialak debekatzea
Trantsizio Ekologikorako eta Erronka Demografikorako Ministerioak bultzatutako dekretu berriaren arabera, elektrodependente eta zaurgarriei ezingo zaie argindarra eten ordaintzen ez badute ere, eta kontratuak eteteagatik ez da, oro har, zigorrik ezarriko. Halaber, aurreikusten da enpresei zigorrak ezartzea, arauak hautsiz gero.
Ramiro Gonzalez: "Lehen urratsa, zalantzarik gabe, zorra berregituratzea da, eta hor funtsezko zeregina du SEPIk"
Ramiro Gonzalez Arabako ahaldun nagusiak adierazi duenez, Tubos Reunidosen jarraipenak hartzekodunen inplikazio aktiboa eskatzen du, batez ere Estatuko Industria Partaidetzarako Sozietatearena (SEPI). "Enpresak ia bost milioi euro erretzen ditu hilean", nabarmendu du.
Tubos Reunidosen bideragarritasuna bermatzeko "zorra berregituratzea beharrezkoa da", Bengoetxearen aburuz
Euskadi Irratiko "Faktoria" irratsaioan egindako elkarrizketan, Ibone Bengoetxea Eusko Jaurlaritzako lehendakariordeak eta Kultura eta Hizkuntza Politika sailburuak adierazi duenez, zorra berregituratzen Jaurlaritza "bidelagun" izango da.
Vital Fundazioak 10 milioirekin bat egin du Ayesa Digital erosteko euskal partzuergoarekin
Operazioak garai bateko Ibermaticaren erabakigunea Euskadira itzultzea indartzen du, eta Araban enplegu kualifikatua sortzea aurreikusten du.
Pradalesek aliantza politiko berri baten alde egin du, "berrindustrializazioan" Europak "benetako autonomia" izan dezan
'Bilboko Adierazpena' sinatuta amaitu da Leaders Meeting–Fit For The Future goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrez" egindako aldi baterako 146 kontratu atzeman zituen Nafarroako Volkswagenen eta 93 kontratu mugagabe egitera behartu zuen enpresa. ELAk salatu du enpresak oraindik ez duela agindua bete.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, erabakitzeko enpresak iragarritako 301 kaleratzeei nola egin aurre.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzaingaien % 59k gainditu dute psikoteknikoa baremazioa aldatu ondoren
Zupiria sailburuak adierazi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.