'Konfiantzan' oinarritutako lan harremanak defendatu ditu Confebaskek
“Elkarrenganako konfiantzan” eta lankidetzan oinarritutako lan harremanen eredu berri bat defendatu du gaur Roberto Larrañaga Confebaskeko presidenteak. Larrañagaren ahotan, enpresako lan harremanak garai berrietara egokitu behar dira, edo “ez ditugu erronkak gaindituko”.
Larrañagak Bilboko Euskalduna jauregian egin ditu adierazpenak, ‘etorkizuneko lan harremanen ereduaren’ aurkezpenean. Adegi, Cebek eta SEA enpresaburuen elkarteek eta EAEko erakundeek egindako txostena da. Hala, Arantxa Tapia Ekonomiaren Garapen eta Lehiakortasuneko sailburua aurkezpenean izan da.
“Bidegurutze saihestezin baten aurrean gaude. Edo enpresa barruan harremanak izateko eredua garai berrietara egokitzen dugu edo ez dugu aurrera egiterik izango”, esan du Larrañagak enpresa eta erakundeetako 400 bat ordezkariren aurrean.
Borrokatik lankidetzara
Era berean, erronka enpresa borrokarako toki bat izatetik lankidetzarako leku bat izatera pasatzea dela azaldu du. Horretarako, “elkarren arteko mesfidantza logikaren aurka doa”, nabarmendu du.
Roberto Larrañaga Confebaskeko presidentea eta Arantxa Tapia Ekonomiaren Garapen eta Lehiakortasuneko sailburua, Euskalduna jauregiaren aurrean. Argazkia: EFE
Eredua sektoreko hitzarmenen aurkakoa ez dela esan du Larrañagak. Enpresako zuzendaritzak eta langileek “elkarri bizkarra emanda bizi eta enpresak bizirautea ezin da espero”, azpimarratu du. “Guztiak ados, egokitu bizirauteko, ez dago beste aukerarik”, erantsi du.
Berrikuntza, azkartasuna eta malgutasuna ere nabarmendu ditu, eta “Euskadiko sindikatu batzuen etengabeko borrokarekin bateraezinak” direla gaineratu du. Bestalde, egonkortasuna eta soldata beharginen inplikazioaren araberakoa izatea aldarrikatu du.
Albiste gehiago ekonomia
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.