Euskaltelen etekinak 2016ko lehen hiruhilekoan, iazkoak halako 12
Euskaltel telekomunikazioen arloko euskal operadoreak 14,6 milioi euroko etekin garbia izan du 2016ko lehen hiruhilekoan, hau da, iazkoa halako 12 (2015eko martxora arte 1,2 milioi eskuratu zituen), konpainiak Balore Merkatuaren Batzorde Nazionalari jakinarazi dionez.
Burtsan kotizatzen hasi zenetik eta R Cable operadore galiziarra erosi zuenetik jakinarazten dituen lehen emaitza sendoak dira honakoak. 2016ko lehen hiru hilabeteetan, diru-sarrerak eta bezero kopurua handitu ditu, baita errentagarritasuna ere.
Hori horrela, diru-sarrerak 142,3 milioi eurokoak izan dira, iazkoak baino % 78,7 gehiago (79,6 milioi).
EBITDA (Earnings Before Interest, Taxes, Depretiation and Amortization), hau da, interes, zerga, balio-galera eta amortizazioen aurretiko irabaziak adierazten dituen adierazlea, % 83,3 igo da, 37,7 milioitik 69,9ra.
Hazkundea
Iazko datuak Euskaltel eta R Cable batuta egongo balira bezala hartu ditu konpainiak (2015 amaieran egin zuen operazioa). 2016ko lehen hiruhilekoan, 142,3 milioi euroko diru-sarrerak izan zituen Euskaltelek, R Cable eta Euskaltel batuta baino % 2,3 gehiago.
Produktu eta zerbitzu guztietako (telefonia finkoa, mugikorra, banda zabala eta ordainpeko telebista) linea eta bezero kopuruak handitu ditu telekomunikazio enpresak. Etxeko bezeroen kopurua % 4,7 hazi da, eta enpresena, % 1,4.
Bezero berriek balio handiko produktuak kontratatu dituzte, eta, ondorioz, diru-sarrerak handitu ditu Euskaltelek.
Ordainpeko telebistan nabarmentzeko moduko gorakada izan da, eta, horrez gain, 30.000 produktu berri (2015ean baino % 13,4 gehiago) eta telefono mugikorren 115.000 linea berri (iaz baino % 19 gehiago) eskuratu ditu operadoreak.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.