Nafarroak aurrekontuaren % 0,6 blokeatu du 'erantzukizunagatik'
Aurrekontuaren % 0,6 (23 milioi) blokeatu du Nafarroako Gobernuak “erantzukizunagatik”. Foru Exekutiboko bozeramailearen hitzetan, diru-sarrerak “ondo doaz”, baina ez dira aurreikusitakoa beste hazi. Gainera, ustekabeko gastuei egin behar diete aurre, horren arabera.
Aurrekontuko 39 sailetako 23 milioi baino gehiago blokeatu dituztela salatu du UPNk. Erregionalisten ustez, diru-sarreren beherakada bat eta kudeaketa txarra daude erabaki horren atzean. Ana Ollo Foru Gobernuko bozeramaileak gezurtatu egin du.
Horrelako erabakiak ohikoak direla azpimarratu ondoren, “duela urtebete eskasera arte Gobernuan izan direnek alarmismo faltsua zabaldu nahi izatea erantzukizun falta da”, kritikatu du Ollok. Hala, UPNren gobernuek ere blokeoak egin dituztela gogorarazi du bozeramaileak.
Aurrekontua “tresna bizia” dela nabarmendu du Ollok. Horren esanetan, Gobernuak kontuan izan behar ditu “testuinguruaren eskaerak”. “Tentuz” ibili behar direla azaldu du; izan ere, diru-sarrerak “ondo doaz, baina ez dira aurrekontu legean aurreikusitakora heltzen”. Ondorioz, abuztura arte itxaron behar dela gaineratu du, “hilabete erabakigarria” delako.
Gastuan “kontuz” jokatu behar dutela errepikatu du Ollok, “partida sozial batzuk desorekatu direlako”, eta “herentzian ustekabeko gastuak” jaso dituztela gaineratu du. Oporrak kobratzen ez zituzten irakasleen sententzia jarri du horren adibide.
Garraio Hiria
Era berean, Garraio Hiriaren epaiaren zain daudela esan du Gobernuaren bozeramaileak. Ebazpena Nafarroako Gobernuaren aurkakoa baldin bada, Foru Exekutiboak ia 50 milioi euro ordaindu beharko ditu.
Ollok honakoa gogorarazi du: 2010ean, 100 milioi euro blokeatu ziren; 2011n, 151 milioi; eta 2012ko irailean, 87 milioi.
Zure interesekoa izan daiteke
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.