ACBko langileek onartu egin dute enpresaren irekiera plana
Sestaoko (Bizkaia) ACB konpainiako langileek onartu egin dute lantegia uztailetik irekitzeko zuzendaritzak proposatutako plana. Orotara, 143 pertsonak alde bozkatu dute, eta 127k, aurka. Gainera, 12 abstentzio izan dira.
Hori horrela, lantegia hilabetean asteburu batzuk irekiko dute, eta langileen erdiak kalera botako dituzte. Hilabetean 12.000 tonako ekoizpena egingo dute.
Langileek asanblea egin dute gaur, zuzendaritzaren proposamenari buruz eztabaidatzeko, Arcelorrek sindikatuen plana errefusatu eta gero. Hain zuzen ere, inor kaleratu gabe hilabetean 75.000-85.000 tonako ekoizpena egitea proposatu zuten langileen ordezkariek.
Asanblea egin ondoren, ACBko langileek eta zuzendariek bozketa egin dute 12:00etatik 17:00etara. 346 langiletik, 282k eman dute botoa.
CCOO eta UGT sindikatuak proposamenaren aurka agertu dira, baina boto askatasuna eman zieten afiliatuei. ELAk eta LABek, berriz, proposamena errefusatzea eta borrokan jarraitzea defendatzen zuten.
Enpresa batzordetik (CCOOk eta UGTk dute gehiengoa) azaldu dutenez, bozketan ArcelorMitallen planarekin "hastea" onartu dute, ondoren hura "hobetzen saiatzeko", batik bat "12 orduko lanegunen kontua".
Bestalde, LABek aurreratu du aztertu egingo duela hemendik aurrera nola jokatu, sindikatu batasuna hautsitzat jo baitu, CCOOk eta UGTk plana bozkatzea ahalbidetu ondoren.
Halaber, zentral abertzalearen esanetan, lan ituneko langileek ("ondorioak pairatuko dituztenak") gehiengo zabalez bozkatu dute planaren aurka. Zuzendari guztiek ere bozkatu izana kritikatu du.
CCOOk lantegiaren jarduera eta enplegua 2020 urtea arte "bermatzea" eskatu dio zuzendaritzari.
Sindikatuak ohartarazi du ez duela "presio neurririk" baztertzen, 12 orduko lanegunen aurka eta enplegua "berreskuratzeko".
Jaurlaritzaren "errespetua"
Eusko Jaurlaritzak "errespetua" agertu du langileen erabakiaren aurrean, "nola ez", Ekonomiaren Garapenerako Sailetik jakinarazi dutenez.
Arantza Tapia sailburuak adierazpenak egingo ditu asteazken honetan.
Zuzendaritzaren oharra
Bozketaren emaitzaren berri izan eta gero, ArcelorMittaleko zuzendaritzak esan du orain Eusko Jaurlaritzarekin akordioa sinatzea espero duela, lantegia uztailaren erdialdean irekitzeko.
Horren esanetan, lantegia asteburuetan baino ez dute irekiko, energia elektrikoaren kostua "optimizatzeko".
Halaber, zuzendaritzaren ustez, onartutako planean aurreikusten diren kaleratzeak "beharrezkoak" dira, lantegiak galera gehiagorik ez izateko.
Aldundiak inbertsioak eskatu dizkio Arcelorri
Bestalde, Bizkaiko Foru Aldundiak esan du errespetatu egiten duela ACBko langileen erabakia, baina lantegia balio erantsi handiko produktuak ekoizteko bideratzea eskatu du.
Ohar batean, erakundeak "mantendu" egin du Sestaoko lantegirako plan industrial baten alde, haren "etorkizuna eta bideragarritasuna" bermatzeko. Horregatik, "inbertsio konpromiso zehatzak" aurkezteko deia egin dio ArcelorMittali, gutxienez ekoizpen linea oso bat ireki ahal izateko.
"ACB Ezkerraldearen eta Bizkaiaren motorra izateko plan bat beharrezkoa da", gaineratu du.
Albiste gehiago ekonomia
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.
Greba mugagabea Aguraingo eta Legasako Arcelor lantegietan, uztailaren 1etik aurrera
Enplegu-erregulazioko espedientearen kontsultarako aldia amaituta dago, eta aldeek ez dute lortu elkarrekin ados jartzea. ELA sindikatuak salatu du EEE horren ondorioz zuzendaritzak 33 langile kaleratu eta Legasako lantegia itxi egingo duela.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.