Gerediaga-Elorrio autobia zatia zabaldu dute
Gerediaga-Elorrio autobia zabaldu dute gaur. Bizkaiko Aldundiaren arabera, “egunero 12.200 ibilgailu aterako dituzte” Matiena, Abadiño, Atxondo, Iurreta, Durango eta Elorrioko erdiguneetatik.
Elorrioko noranzkoa 08:40 aldera ireki dute eta Bilbora edo Donostiara joateko erreiak 09:50 aldera. Bizkaiko Aldundiko iturriek jakinarazi dutenez, lehen orduetan “ez da arazorik” izan.
Azpiegitura berria egiten 2012ko urrian hasi ziren. AP-8 autobidea lotzen du Gerediaga inguruan, Abadiñon, eta Elorrioko mendebaldean amaitzen da. Lotura berri baten bidez BI-632 errepidearekin eta Elorrioko saihesbidearekin bat egiten du.
Gainera, N-636 errepidearekin lotzen da Muntsaratzen, Abadiño eta Atxondo arteko korridore berrira sartzeko aukera emanaz.
Autobiak 6,4 kilometroko luzera du, 3,50 metroko zabalerako bi errei ditu noranzko bakoitzean eta 1,00 eta 2,50 metroko bazterbideak, hurrenez hurren.
Orografia gainditzeko, 1.965 metroko tunel bat eta bi tunel faltsu ditu, baita 36.000 metro karratuko hamaika bidezubi ere.
Autobia egiteko lanetan 340 enpresek eta 2.000 langilek parte hartu dute.
Aldundiko iturriek azaldu dutenez, azpiegituraren kostua 210 milioi eurokoa izan da.
Elorrioko saihesbidea egokitu dute
Tarte berriaz gain, Elorrioko saihesbidea egokitu dute lanetan. Azpiegitura berria hartzeko, saihesbideko 2,8 kilometro konpondu dituzte.
Saihesbide berriak 1,9 kilometro eta bi errei ditu noranzko bakoitzean.
Aldundiak “errealitatea ezkutatu” nahi duela salatu du EH Bilduk
Bizkaiko Aldundiak “errealitatea ezkutatu” nahi duela salatu du EH Bilduk; izan ere, Gerediaga-Elorrio autobia “ez da doako errepidea” izango. Ibilgailuek “AP-8 autobidean bukatuko dute, eta bertan ordaindu beharko dute, beste aukerarik gabe”, kritikatu du koalizioak.
Koalizioak agiri batean kritikatu duenez, Imanol Pradales Garapen Ekonomikoko diputatuak Gerediaga-Elorrio autobiaren “doakotasuna lehiakortasunerako osagai” gisa planteatu du, baina “errealitatea ezkutatzen” ari da.
EH Bilduren ahotan, “Pradalesek dioena ez da egia; izan ere, errepide berriaren eraikuntza % 40 garestiagoa izan da”. “’Bidesari iluna’ren bidez finantziazioa inposatu dute eta bizkaitarrek 1.400 milioi euro ordainduko ditugu datozen 27 urteetan”.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.