'Euskal Y'ari 'bultzada' eman nahi diola esan du Sustapen Ministerioak
Iñigo de la Serna Sustapen Ministerioko buruak gaur, astelehena, nabarmendu duenez, bere bulegoak "bultzada handia" eman nahi dio 'euskal Y'aren proiektuari, eta onartu du Euskadirentzat proiektu "nagusia" dela.
"Dudarik gabe, Ministeriotik indar guztiekin bultzatuko dugu proiektua, administrazio mailako oztopoak gainditzeko", esan du Cope Irratiak egindako elkarrizketa batean.
Era berean, Iñigo de la Serna ministro berriak adierazi du "lehenbailehen" bildu nahi duela Eusko Jaurlaritzarekin, etorkizuneko ekintzak adosteko.
Bestalde, Ana Oregi jarduneko Ingurumen eta Lurralde Politikako sailburuak begi onez hartu ditu Espainiako Sustapen ministroaren adierazpenak, baina berriak ez du sailburua ustekabean harrapatu, "aurrez egindako lana eta Sustapen Ministerioarekin izan dugun harremana kontuan hartuta".
Oregiren esanetan, Espainiako Gobernuak ondo baino hobeto daki zein diren premiak eta lehentasunezko gaiak eta zein diren Europaren lehentasunak, tartean, abiadura handiko Atlantikoko ardatza.
Lanen amaiera dataz galdetuta, Oregik nabarmendu du Espainiako Sustapen Ministerioko arduradunei dagokiela hori. Hala ere, eta "azpiegitura garatzeko premia eta beharra ikusita", hurrengo pausoa Euskadiko trenbide sare "osoa" martxan jartzeko "plangintza serio eta osoa" egitea dela nabarmendu du Oregik, besteak beste, Euskadi Madrilekin eta Parisekin lotzeko.
>
Albiste gehiago ekonomia
Pentsiodunen mugimendua uztailaren 17an bilduko da lehendakariarekin, pentsioak gutxieneko soldatarekin berdintzea eskatzeko
Euskal Herriko Pentsiodunen Mugimenduak gutxieneko horretara iristeko osagarriak eskatzen dituen herri-ekimen legegilea erregistratu zuen Eusko Legebiltzarrean. Imanol Pradalesekin izango duten bileran lege hori izapidetzeko Eusko Jaurlaritzaren prestutasuna eskatuko diote.
Arcellor Mittalek atzera bota du Legasa eta Aguraingo fabrikei eragingo zien enplegu-erregulazioko espedientea
Nafarroako Lan Auzitegian egin duten bitartekaritza saioan eman du jakitera erabakia zuzendaritzak. Legasako fabrikan gehiengoa duen UGT sindikatuak bertan behera utzi du deituta zegoen greba.
489 zordun handik ia mila milioi euro zor dizkiete Bizkaiko, Arabako eta Gipuzkoako Foru Ogasunei
Hiru lurraldeetako Foru Aldundiek zordun handien zerrendak argitaratu berri dituzte. Bizkaian, Jabyer Fernandezek sortutako Afer enpresa da zerrendaburu, eta Gipuzkoan, berriz, Juan Miguel eta Jose Ramon Osinalde Echaniz anaiak (40,5 milioi euroko zorra banarekin). Araban, zordun handien kopuruak gora egin du.
Villavesako langileek eutsi egin diote sanferminetan eragina izango duen grebari
Gaur bildu dira TCCko zuzendaritza eta enpresa batzordea, baina ez dira ados jarri, eta batzordeak enpresaren "jarrera immobilista" salatu du.
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.