EAEko ekonomia % 3,1 hazi zen 2016an, uste baino hamarren bat gehiago
Euskal Autonomia Erkidegoko ekonomia % 3,1 hazi zen joan zen urtean, Eusko Jaurlaritzak azaroan egindako azken aurreikuspenetan aurreratutakoa baino hamarren bat gehiago.
Eustatek (Euskal Estatistikak Erakundea) urteko laugarren hiruhilekoari buruzko datuen aurrerapena plazaratu du gaur, eta tarte horretan Barne Produktu Gordinak (BPG) %2,9ko hazkundea izan zuela azaldu du, hau da, Eusko Jaurlaritzak aldi horretarako egin zuen aurreikuspena baino hamarren bat gehiago ere.
Joan zen urte osoko Barne Produktu Gordina 2015ean izandakoa baino bi hamarren gehiago da, % 2,9koa izan baitzen ordukoa.
Industria eta zerbitzuetako hazkundea batez bestekoaren inguruan ibili da; aldiz, lehen sektorean eta eraikuntzan hazkunde apalagoak izan dituzte. Alabaina, Eustatek azpimarratzen duenez, eraikuntzan hazkundea eman da bigarren urtez jarraian, aurreko zazpi urteetan emaitza negatiboak pilatu ondoren.
Enpleguari dagokionez, dedikazio osoko baliokidetzako lanpostuetan neurtuta, % 1,9 gehitu da aurreko urteko hiruhileko beraren aldean. Duela bi hilabete Eusko Jaurlaritzak % 1,8koa izatea espero zuen.
Bestalde, urritik abendura BPGa % 0,6 igo zen aurreko hiruhilekoarekin alderatuta.
EAEko ekonomiak azken hiruhilabetekoan izandako hazkundea, batez ere, zerbitzuen sektorearen eboluzio onean oinarritu da, eta horri industrian hazkunde-erritmoari eutsi zaiola gehitu behar zaio.
Ekonomia Sailburuaren agerraldia
Pedro Azpiazu Ekonomia eta Ogasun sailburuak prentsaurrekoa eman du Eustatek jakinarazitako datuei buruz hitz egiteko.
Hedabideen aurrean egindako agerraldian baieztatu duenez, euskal ekonomiaren hazkundea "sendoa" da, 2016an % 3,1 hazi ostean.
Gogoratu duenaren arabera, aipatu hazkundea berak zuzentzen Sailak egin zuen aurreikuspenetik hamarren bat gora dago, eta nabarmendu nahi izan du Goranzko berrikuspenak "etengabeak" izan direla urtean zehar.
Sailburuaren esanetan, euskal ekonomiaren hazkundeak "aurreikusitako dezeleraziorako joera" erakutsi zuen, baina "esperotakoa baino intentsitate txikiagokoa".
Horrenbestez, egoera horrek "abiapuntu onean kokatzen du" EAEko ekonomia 2017ra begira (Jaurlaritzak BPGa % 2,3 haziko dela aurreikusten du).
Enpleguari dagokionez, 2016an % 1,9 hazi zela azpimarratu du. Zifra horrek esan nahi du lanaldi osoko 16.500 lanpostu baino zerbait gehiago sortu zirela.
Aldi berean, bere iritziz, etorkizunari begira soldatak "gora" egin dezakete "ekonomia dinamizatzeko". "Uste dugu produktibitatearen hazkundeak soldatak igotzeko ahalmena ematen digula inflaziorik eragin gabe", gaineratu du.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).