2017rako aurreikuspen ekonomikoa hobetuko du Jaurlaritzak
Esperotakoa baina gehiago haziko da aurten euskal ekonomia, eta hala, egindako aurreikuspenak hobetuko dituela iragarri du Eusko Jaurlaritzak. Aurretik egindako kalkuluen arabera, 2017an % 2,3 hazi behar zen Barne Produktu Gordina (BPG), baina azken egunotan ezagututako adierazle ekonomikoei erreparatuta, aurreikuspenok hobetzeko moduan daudela adierazi du Pedro Azpiazu Eusko Jaurlaritzako Ogasun sailburuak: % 2,5 ingurura, hain justu.
Eusko Legebiltzarreko Aurrekontuen Batzordea egin duen agerraldian, haren sailak aurtengorako duen aurrekontu proiektua aurkeztu du eta aldi berean Barne Produktu Gordinaren aurreikuspenari buruzko informazioa eguneratu du.
Aurreko astean Eusko Jaurlaritzak onartutako aurrekontu proiektuan aurreikusten denez, Euskal Autonomia Erkidegoko ekonomia % 2,3 haziko da aurten. Sailburuaren esanetan, ordea, azken egunotan ezagututako adierazle ekonomikoek estimazioak "igotzea" ahalbideratu dute.
Igoerari buruzko datu zehatzik eman ez badu ere, % 2,5 ingurukoa izan daitekeela adierazi du. Aurreikuspenen arabera, Espainiako ekonomia ere % 2,5 haziko da aurten.
Azpiazuk azaldu duenez, Eustat Euskal Estatistika Erakundeak aurreko astean argitaratutako datuetan oinarritu dira ekonomiaren hazkunde aurreikuspena hobetzeko. Eustaten zabaldutako datuen arabera, euskal ekonomia % 3,1 hazi zen 2016an, aurreko urtea baino bi hamarren gehiago. Halaber, 2016ko laugarren hiruhilekoan hazkundea % 2,9koa izan zen aurreko urteko hiruhileko berarekin alderatuta.
Zerga erreforma
Bestalde, Azpiazu sailburuak talde parlamentarioen galderei erantzun die, eta atzo Urkullu lehendakariak hizpide izan zuen balizko zerga erreforma aipatu du.
Sailburuak azpimarratu duenez, hiru Diputazioek eta Eusko Jaurlaritzak 2013an onartutako zerga erreformari buruzko azterketa bat egiteko konpromisoa hartu dute eta hori egindakoan helduko diote balizko erreformari. Hori dela eta, eztabaida "lasaitasunez" egitea eskatu du.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).