2017rako ekonomia hazkunde aurreikuspena % 2,5era igo du Jaurlaritzak
Eusko Jaurlaritzak bi hamarren igo du, % 2,5eraino, 2017rako ekonomia hazkundearen aurreikuspena. 2018rako, berriz, % 2,2 haztea aurreikusi du. Datu horiek 15.000 enplegu inguru sortzea ekarriko omen dute aurten, eta 13.000 enplegu inguru datorrenean.
Bestetik, langabezia-tasa % 12,1ekoa izango da 2017an, eta % 11,7koa 2018an. Eusko Jaurlaritzaren Ogasun eta Ekonomia Sailak iazko azken hiruhilekoan egindako txosten ekonomikoa eman du gaur jakitera, eta bertan jaso ditu aipatutako aurreikuspenak.
Txosten horren arabera, 2016aren bukaeran "prezioen azelerazio nabarmena" atzeman zen, eta joera hori berretsi da 2017aren hasieran: otsailean % 2,9 hazi zen Barne Produktu Gordina Euskal Autonomia Erkidegoan. Europako datuekin alderatuta, % 0,9ko diferentzia positiboa dago, Jaurlaritzaren esanetan.
Ogasun eta Ekonomia Sailaren arabera, aurrerapen ekonomiko horrek "eragin positiboak izango ditu lan-merkatuan". Jaurlaritzak legealdi honen amaieran langabezia-tasa % 10en azpitik murrizteko duen helburua gaur kaleratutako datuekin "bateragarria" dela uste du Pedro Azpiazuk zuzentzen duen departamenduak.
Zure interesekoa izan daiteke
Ertzaintzaren lan eskaintzarako lehen probak atzerapenarekin abiatu dira, espero baino jende gehiago aurkeztu baita
Aurreikusitakoa baino ordu eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.