Patronalak eta zamaketariek aurreakordioa lortu dute
Zamaketarien sektorea liberalizatzeko erreformaren harira zamaketarien sindikatuek eta Zamaketarien Enpresen eta Ontzien Gordailuzainen Elkarte Nazionalak (Anesco) aurreakordioa lortu dute asteazken honetan, Espainiako Gobernuak hitzarmen hori baztertu badu ere.
Zamaketarien lanpostuak bermatu ahal izateko lege edo hitzarmen bat sinatzea eskatzen dute sindikatuek, baina Espainiako Gobernuak ez du hori lege batean jaso nahi, Europako Batzordeak ez duelako baldintza hori baimentzen. Negoziazio kolektiboaren bitartez eztabaidatu daitekeen arren, Espainiako Gobernua eta zamaketarien ordezkariak ez dira ados jartzen.
Bestalde, karga sektoreko sindikatuak eta Anesco harrituta agertu dira Espainiako Gobernuak asteazken honetan lortutako aurreakordioa baztertu duelako.
Hala, hiru aldeek babestutako akordioa lortu ezin izatea deitoratu du zamaketarien enpresen elkarteak. Dena dela, gatazkari irtenbide bat bilatzeko prest agertu da Pedro Garcia elkarte horretako zuzendari kudeatzailea.
Europak emandako agindua beste modu batera bete daitekeela erakusteko zer egin dezaketen galdegin dio Antolin Goya Itsasoko Langileen Estatuko Koordinatzaileko zuzendariak (zamaketarien sindikatu nagusietako bat) Espainiako Gobernuari.
Lan gatazkan bitartekari lanetan ari den Marcos Peña Kontseilu Ekonomiko eta Sozialeko presidenteak jakitera eman duenez, ostegun honetan emango du aurreakordio horren xehetasunen berri, eta akordio bat ixteko prest agertu da.
“Araudiaren, zentzuaren eta Europak emandako aginduaren kontra doan neurria da”, ziurtatu du Espainiako Sustapen ministroak.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.