Zamaketarien dekretua atzera bota du Kongresuak
Espainiako Gobernuak zamaketaren sektorea liberalizatzeko egindako dekretua atzera bota du gaur Diputatuen Kongresuak. Rajoyren exekutiboak otsaila amaieran onartu zuen dekretua, baina ganberaren oniritzia behar zuen indarrean jarraitzeko.
PPk, UPNk, Foro Asturiasek eta EAJk bakarrik egin dute dekretuaren alde (142 boto). Ciudadanosek zuri bozkatu du (32), eta oposizioko gainerako alderdiek (PSOE, Unidos Podemos, Esquerra, PDeCAT, Compromis, EH Bildu, Coalicion Canarias eta Nueva Canarias) kontra (175).
Europako araudia bete asmoz, Espainiako Gobernuak otsailaren 24an onartu zuen karga sektorea liberalizatzeko erreforma. Liberalizazioak Estatuko portutan lan egiten duten 6.150 zamaketariengan du eragina. Hilabeteak daramatzate zamaketariek erreformaren kontrako protestan, eta patronalaren eta sindikatuen arteko hainbat negoziazio egon badira ere, guztiek porrot egin dute.
Hain justu, horixe eskatu diote talde gehienek Espainiako Gobernuari, dekretua bi aldeen arteko akordio lortu ondoren onartzea, alegia. Halakorik ez da gertatu, eta oposizioaren gehiengoak erreformaren kontra egin du.
Iñigo de la Serna Espainiako Sustapen ministroak ohartarazi duenez, Kongresuak dekretuari oniritzia eman ez badio ere, Europar Batasunak ez du Espainia bigarrenez zigortuko. Halaber, dekretuaren aurka bozkatu duten alderdi politikoen "erantzukizun falta" deitoratu du.
De la Sernaren esanetan, Espainiako Gobernuak "egin behar zuena egin du" eta "kontzientzia garbi" du. Ministroak azpimarratu duenez, Europaren epai batek araua aldatzera behartu du Gobernua eta Kongresua ere behartuta dago. "Espainiarrentzat diru asko dago eta espainiar guztion artean ordainduko dugu", berretsi du.
EAJren botoa
EAJk azalpen hau eman du aldeko botoa ematerakoan: "erreformak langileen eskubideak bermatzeaz gain portuen lehiakortasunari mesede egiten dio".
"Zalantzan jartzen dugu etorkizuneko akordioak gaur Gobernuak egindako eskaintza gaindituko duena", azpimarratu du Iñigo Barandiaran EAJko diputatuak. Bestalde, Aitor Esteban diputatu jeltzaleak EAEko eta Espainiako Aurrekontuen negoziazioak bereizi ditu.
Zamaketariek greba bertan behera utzi dute
Kongresuak zamaketaren sektorea liberalizatzeko dekretua atzera bota ostean, zamaketarien sindikatuek bertan behera utzi dute bihar hastekoa zen lanuztea. Antolin Goya Cetm-eko koordinatzaile nagusiak eskerrak eman dizkie dekretuaren kontra bozkatu duten alderdiei eta baita abstentziora jo duen Ciudadanos alderdiari ere. Azaldu duenez, negoziazioa "normaltasun osoz" egin ahal izateko utzi dute bertan behera deialdia.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.