2018ko lan egutegia onartu du Jaurlaritzak
2018. urterako lan egutegia onartu du gaur Eusko Jaurlaritzak gobernu bileran. Ezarritako 12 jaiegunen artean ez dago Euskadiren Egunari dagokiona, Jaurlaritzak Legebiltzarreko taldeen esku utzi baitu hura noiz ospatu behar den erabakitzea.
Euskadiren eguna abenduaren 3an —Euskararen eguna— izan dadin EH Bilduk egindako legez besteko proposamena tramitera onartu zuen Legebiltzarrak. Proposamenak hautsak harrotu ditu Nafarroan, hain zuzen ere, UPNren eta Nafarroako Alderdi Popularraren (PPN) esanetan, "probokazioa" litzateke Euskadiren Egunak Nafarroaren Egunarekin, Xabierko San Frantziskoren egunarekin, bat egitea.
Eusko Jaurlaritzak alderdi politikoen esku utzi du erabakia
Elkarrekin Podemosek soilik babestu du EH Bilduren proposamena. Gainerako alderdiei dagokienez, EAJk Euskadiren Egunak Aberri Egunarekin (Pazko igandea) bat egitea proposatu du, eta PSE-EEk eta PPk, ostera, nahiago dute urriaren 25a —Gernikako Estatutua onartu zen eguna—.
Gobernu bileraren ostean Josu Erkoreka Eusko Jaurlaritzako bozeramaileak azaldu duenez, Jaurlaritzak ez du 2018ko lan egutegian Euskadiren Eguna zehaztu, "Legebiltzarreko eztabaidarekiko errespetuagatik" eta debatea ez oztopatzeko.
Horren esanetan, Eusko Jaurlaritza talde parlamentarioek erabakitzen dutena bere egingo du, baldin eta data baten inguruko adostasun zabala badago.
Azken urteetan egun ezberdinetan ospatu izan da Euskadiren Eguna. 2010ean, Patxi Lopez lehendakari zela, Eusko Legebiltzarrak urriaren 25a jaiegun izendatu zuen, eta hurrengo bi urteetan ere jaiegun izan zen. Urtebete geroago, 2013an, ostera, Legebiltzarrak baliogabetu egin zuen urriaren 25eko jaieguna.
2016an, urriaren 7ari jaiegun izaera eman zioten lehen aldiz, lehen Eusko Jaurlaritza eratu zeneko 80. urteurrena ospatzeko. 2017an, 2018an bezalaxe, Euskadiren Egunak ez du data zehatzik izango egutegian.
Aste Santua, martxoaren amaieran
2018ko lan egutegiari helduta, ez dago aparteko nobedaderik. Ohi bezala, urteko lehen jaiegunak urtarrilaren 1a —Urteberri eguna— eta urtarrilaren 6a —Errege eguna— izango dira.
Aste Santua martxoaren amaieran izango da, 29an eta 30ean, hain zuzen ere. Pazko astelehena, ostera, apirilaren 2an izango da.
Maiatzaren 1a, Langileen eguna, ere jai izango da. Maiatzetik abuztuaren 15era arte ez da jaiegunik izango; izan ere, uztailaren 25a laneguna izango da 2018an.
2018ko jaiegunak:
Urtarrilak 1, astelehena
Urtarrilak 6, larunbata
Martxoak 29, osteguna
Martxoak 30, ostirala
Apirilak 2, astelehena
Maiatzak 1, asteartea
Abuztuak 15, asteazkena
Urriak 12, ostirala
Azaroak 1, osteguna
Abenduak 6, osteguna
Abenduak 8, larunbata
Abenduak 25, asteartea
Zure interesekoa izan daiteke
Osasun publikoko gatazkaren gakoak: Estatutu Markoaren erreforma eta medikuen aldarrikapenak
Urtebete pasa daramate medikuek protestan, euren lanbidearen berezitasunak aintzat hartuko dituen estatutu propioa aldarrikatuz. Uste dute Espainiako Gobernuko Ministroen Kontseiluak onartu berri duen Estatutu Markoaren erreformak ez dituela aintzat hartzen medikuen eskakizunak. Lan baldintza hobeagoak nahi dituzte.
Medikuen grebari amaiera emateko "giltza" erkidegoek dutela ziurtatu du Garciak
Osasun ministroak gogorarazi du 2000. urtetik erkidegoen esku daudela Osasun Sistemaren baitako hainbat eskumen, horien artean, kudeaketarekin, langileen planifikazioarekin, giza baliabideekin eta lan-baldintzen hobekuntzekin lotutakoak.
Estatutu Markoari buruzko jarrera bateratzen saiatuko dira erkidegoak, Osasun Ministerioarekin bildu bezperan
Osasun Ministerioak Lurraldearteko Osasun Kontseiluaren ezohiko bilera egitera deitu ditu asteazken honetan autonomia erkidegoak, Estatutu Markoaren erreformaz eta medikuen grebaz hitz egiteko.
Sutea izan da CAFen, Miira lantegiko pintura-kabinan
CAF enpresan sutea piztu da astearte goizaldean, Miirako pintura‑kabinan. LABek jakinarazi duenez, sutearen inguruko nabeetako langileak atera dituzte, eta ez da zauriturik izan. LAB sindikatuak enpresari arduraz jokatzeko eta prebentzio sistemak berrikusteko eskatu dio.
Akordioa Papresan: langileen % 80 subrogatzea eta soldatak izoztea adostu dute
Langileen ordezkariek eta Grupo CL taldeak lortu duten akordioari esker, Errenteriako paper-fabrikaren salerosketa gauzatu ahal izango da. Subrogatuko diren langileen kopurua hasierako proposamenekoa (% 72) baino handiagoa izango da, eta, trukean, bi urtez soldatak izoztea eta lanaldia luzatzea onartu da.
Akordioa lortu dute Maderas de Llodion eta 260 eguneko grebari amaiera eman diote
ELA sindikatuak jakitera eman duenez, akordioak 2025eko urrian kaleratutako langileak berriz hartzea ekarriko du, hala nahiko balute, eta bide judiziala amaitzea ere bai.
Ormuzko blokeoak 200 milioi euroko kostu energetikoa ekarriko dio Euskadiri, Jaurlaritzaren arabera
Mikel Jauregi Industria sailburuak adierazi du industria dela "energia krisiaren ondorioak gehien jasaten ari den sektorea".
Donostiako Topoaren trenbideko obra bukatutzat eman dute, Kontxako geltokia amaituta
Datozen hilabeteetan, trenen zirkulazioa arautzen duten instalazio elektrikoetan, aireztapenean, seinaleztapenean eta komunikazioetan ardaztuko du lana ETSk, baita urbanizazioko jardun eta sarbide jakin batzuetan ere.
Etxebizitzaren prezioa %10,3 igo da Euskadin, Estatuko igoerarik txikiena
Astelehen honetan argitaratutako datuen arabera, urteko lehen hiruhilekoan, % 4,9 igo da EAEko etxebizitza berrien prezioa; bigarren eskukoena, berriz, % 11,4.
Torresek espero du UCOk Tubos Reunidosen gainean hasitako ikerketak enpresaren hartzekodunen korkurtsoan ez eragitea
Mikel Torres Eusko Jaurlaritzako bigarren lehendakariorde eta Ekonomia, Lan eta Enplegu sailburuak espero du SEPIk Tubos Reunidosi emandako dirulaguntzen inguruan UCOk zabaldutako ikerketak "eraginik ez izatea" enpresaren hartzekodunen konkurtsoan. Hala ere, argi du arren "lagundu ez" duela lagunduko. "Espero dut prozesua garbia eta legezkoa izatea", zehaztu du.