Erkoreka: '15 urteko bake fiskala lortzear gaude'
Kupoaren negoziazioan buru-belarri dabiltza azkenaldian Eusko Jaurlaritza eta Espainiako Gobernua, eta akordioa gertu egon daiteke, Josu Erkoreka Eusko Jaurlaritzako bozeramaileak gaur iradoki duenez. "Akordioa sinatuta ez badago ere, aurrerapauso nabarmenak eman dira. Lortuko balitz, 15 urteko bake fiskala izango genuke, eta, beraz, albiste ekonomiko garrantzitsu baten atarian gaude", esan du.
Asteartero bezala, gobernu bileraren ondoko prentsaurrekoa eskaini du Erkorekak, eta bertan azaldu ditu negoziazioaren nondik norakoak: "Gai oso garrantzitsuetan aurrerapauso nabarmenak eman dira. Oraindik ez dago sinatuta, lanean ari gara".
Erkorekaren iritzian, oso gai garrantzitsuetan egin da aurrera, eta, akordioa lortuta, "15 urteko bake fiskala izango genuke", argitu du. "Alde batetik, azken 10 urteetako —2007/2011 eta 2012/2016 bosturtekoak— zuzenketen likidazioa ahalbideratuko da, eta bestetik, datozen bost urteetako oinarriak jarriko dira: 2017ko urteari dagokion Kupoaren definizioa, eta hortik aurrera bosturtekoan aplikatuko den eguneratzearen indizea", azaldu du.
Hori horrela, "ikuspuntu ekonomikotik, albiste oso on baten aurrean" egon gaitezkeela azpimarratu du Erkorekak. Izan ere, adierazi duenez, "bake fiskalaz ari garenean, egonkortasuna, inbertsioa, hazkunde ekonomikoa eta enplegua esan nahi dugu".
Kontzertuaren batzorde mistoa, maiatzean
Akordioa gauzatuta, Kontzertu Ekonomikoaren batzorde mistoaren bilera deitu beharko lukete aldeek. "Dena ondo bidean, maiatzean bertan egingo da", iragarri du Eusko Jaurlaritzako bozeramaileak.
Jaurlaritzak eta Espainiako Gobernuak adostutakoak aldebiko organo honetan ere jasoko dituzte, hori baita Kontzertu Ekonomikoak Kupoaren aferak zehazteko aurreikusita duen foroa.
Erkorekaren berbetan, azken egunotan "jarrera aldaketa" atzeman diote Espainiako Gobernuari, orain arte ikusi ez dutena. "Jarrera batzuk malgutu dituzte, eta, orain bai, badirudi akordioa lortzeko jarrera dutela", zehaztu du.
2007tik ez atzera ez aurrera egon da Kupoaren negoziazioa. "10 urteotan Espainiako hiru gobernu ezberdin, eta lau Jaurlaritza izan dira. Negoziazioa ez da erraza izan, eta denboran aurrera joanda, are beharrezkoagoa zen adostutako konponbide bat", aitortu du Erkorekak.
Bi aldeek akordioa lortzen dutenean, "gardentasun guztiarekin" adieraziko du Jaurlaritzak, eta "kopuru eta eduki guztiak eskura" izango direla nabarmendu.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.