Iberdrola ikerketapean, argindarraren prezioa manipulatu ote zuen argitzeko
Ismael Moreno Auzitegi Nazionaleko epaileak tramitera onartu du Ustelkeriaren kontrako Fiskaltzak Iberdrolaren kontra aurkeztutako salaketa. Hala, 2013ko neguan argindar konpainiak ustez egindako iruzurra ikertuko du. Hotz bolada baliatuta, Iberdrolak argindarraren prezioa gehiegi igo zuela eta "modu bidegabean" 20 milioiko irabaziak lortu zituela uste du Fiskaltzak.
Epaileak eskatuta, Iberdrolak Bilbon eta Madrilen dituen egoitzetan izan zen atzo Guardia Zibila, informazio bila. Argindar konpainiak ukatu egin ditu leporatutakoak, eta 2013an "zuhurtziaz eta zentzuz" jokatu zuela nabarmendu du.
Ustelkeriaren kontrako Fiskaltzak Auzitegi Nazionaleko 2. zenbakiko Instrukzio Epaitegian aurkeztutako salaketaren arabera, Iberdrolak merkatuaren eta kontsumitzaileen kontrako delitua (Zigor Kodearen 281. artikuluan jasota) egin zuen 2013ko azaroaren 30etik abenduaren 23ra.
Fiskaltzak uste du Iberdrolak argindarraren prezioa puzteko sistema asmatu zuela, "eskaria eta eskaintzaren lehia askearen ondorioz suerta litekeenaz harago". Salneurria igota, 20 milioi euro irabazi zituen "modu bidegabean", horren arabera.
Aurretik ere, isun administratiboa
Zigor bidea orain abiatu badute ere, aspaldikoa da auzia, eta 2015ean 25 milioiko isuna ordaindu behar izan zuen argindar konpainiak. Energia elektrikoaren handizkarien merkatua manipulatzea egotzita, Espainiako Merkatu eta Lehia Batzordeak (CNMC, gaztelaniazko siglak) ezarri zion zigorra. Iberdrolaren jokabidea "oso larri"tzat jo zuen erakundeak. Argindar enpresak helegitea jarri zuen, eta oraindik ebatzi gabe dago. Auziaren mamia argitzen duten arte, isuna etenda dago.
CNMCk orduan azaldu zuenez, Iberdrolak hainbat mugimendu egin zituen 2013ko azaroaren 30etik abenduaren 23ra, Duero, Sil eta Tajo ibaietako zentral hidraulikoen eskaintzen prezioa garestitzeko. Hala, 2014ko lehen hiruhilekoaren enkantea egin baino aste batzuk lehenago, garestitze handiak jazo ziren handizkarien merkatuan. Ondorioz, enkantearen prezioa % 26 igo zen, eta tarifarena, % 10.
"Irregulartasunak" atzemanda (manipulaziorik ez zuen ikusi orduan CNMCk), enkantea bertan behera uztea erabaki zuen Espainiako Gobernuak, eta argindarraren prezioa ezartzeko enkantearen sistema aldatu zuen gero.
Iberdrolak dio ez duela iruzurrik egin
Argindarraren prezioa "manipulatzeko iruzurrik" egin ez duela adierazi du Iberdrolak, eta Fiskaltzak leporatutakoak ukatu ditu. Konpainiako iturrien arabera, 2013an "zuhurtziaz eta zentzuz" jokatu zuen.
Hori horrela, Auzitegi Nazionalari eta Guardia Zibilari behar duten guztian lagunduko diela baieztatu du.
Erreakzioak
Argindar enpresa ikerketapean dagoela eta, Iberdrolari Bilbotar Ospetsu izendapena kentzea eskatu dio gaur EH Bilduk Udalari.
Alba Fatuarte koalizioko zinegotziak ohar batean adierazi duenez, izendapena "Bilboren izen onaren eta bilbotarren interesen alde egiten duten pertsona edo erakundeei eman ohi zaie. Irabaziak lortzeko neguko egun hotzetan argindarraren prezioa manipulatzea ez da, inolaz ere, bilbotarren interesak defendatzea".
Bestalde, FACUA kontsumitzaileen elkartea "pozik" agertu da Iberdrola ikertzen ari direlako. Izan ere, FACUAk gogorarazi duenez, 2015ean Bizkaiko Lurralde Auzitegian salatu zuten argindar konpainia, baina Fiskaltzak artxibatu egin zuen auzia.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.