EAEko ekonomia, hazkundean finkatuta: % 2,8 hazi da lehen hiruhilekoan
Hazkundearen bidean finkatuta, horrela dago Euskal Autonomia Erkidegoko (EAE) ekonomia, Eustat Euskal Estatistika Institutuak emandako datuei erreparatuta. 2017ko lehen hiruhilekoan eta iazko epe berarekin alderatuta, % 2,8 hazi zen Barne Produktu Gordina. Enpleguak ere gora egin du, % 2.
Horrenbestez, apirila amaieran emandako datuak baieztatu ditu Eustatek hiruhilekoaren kontuan. Orduan aurreratu zuenez, Eusko Jaurlaritzaren aurreikuspenak (% 2,7 eta % 1,9, hurrenez hurren) baino hamarren bat gehiago hazi ziren ekonomia eta enplegua.
Halaber, urte arteko BPGak eta enpleguak bilakaera positiboa izan zuen sektore eta jarduera guztietan. Industriak % 2 egin zuen gora; eraikuntzak, % 2,1 eta zerbitzuek, % 3,1.
Zerbitzuen alorrean, aipagarria da merkataritzaren, ostalaritzaren eta garraioen hazkundea: % 3,7 igo ziren.
Lurraldeka aztertuta, Araban eta Bizkaian hazi da gehien ekonomia, urte arteko % 2’9ko igoera izan baitzuten bi lurraldeek. Gipuzkoan, aldiz, hazkundea apalagoa izan zen, % 2’5ekoa.
Familia-etxeetako kontsumo pribatuak ere gorako bideari eutsi zion, urte artekoa % 3an kokatuta, 2016ko epe berean baino hamarren bat gehiago.
Enpleguari dagokionez, lanaldi osoan dauden beharginen kopurua % 2 hazi zen, iazko epe berean baino % 0,4 gehiago. Sektore guztietan igarri da gorakada.
Zure interesekoa izan daiteke
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.