Garoñako zentral nuklearra, betiko itxita
Garoña itxi egingo dute, betiko. Espainiako Gobernuak berriz zabaltzeko baimena ez ematea erabaki du, eta, horrenbestez, Estatuko zentral nuklear zaharrena, Euskal Herritik gertuen dagoena, zarratu egingo dute.
Alvaro Nadal Energia, Turismo eta Agenda Digitalaren ministroak eman du erabakiaren berri, gaur, asteartea, goizean egindako prentsaurreko batean. Agerraldian azaldu duenez, arrazoi teknikoak eta politikoak tarteko hartu dute erabakia.
Lehenengoak hizpide, Nadalek esan du inbertsio handia egin beharko litzatekeela berriz martxan jartzeko, zentrala oso zaharkituta baitago. Gainera, Espainiako argindar sistemari egiten zion ekarpena "oso urria" zen. Giro politikoa ere ez zen berriro zabaltzearen aldekoa, Nadalek gogorarazi duenez. Horren harira, oposizioak eta hainbat erakundek Garoña betiko ixteko egindako eskaerak gogora ekarri ditu.
"Borroka politikoa"
Ziurtasun gabezia eta "eztabaida sosegatu" baten falta deitoratu ditu ministroak. Haren esanetan, Garoña "eztabaida politikorako sinbolo" gisa erabili da, "borroka politiko" bihurtzeraino.
Gobernuaren erabakia azaltzerakoan "aldeko eta kontrako arrazoiak" eman ditu Nadal ministroak. Azaldu duenez, zentral nuklearra berriro irekitzeko gutxienez bi urte beharko lirateke —Espainiako Segurtasun Nuklearrerako Kontseiluak eskatutako inbertsioak eta lanak egiteko— eta tarte horretan "ziurgabetasuna" nagusituko litzateke, bai politikarien artean (Diputatuen Kongresuaren gehiengoa eta oposizioko talde gehienak irekieraren aurka agertu dira) eta baita akzionisten artean ere.
Zentral nuklearraren etorkizunari buruz azken urteetan izandako jarrera aldaketak aurpegiratu dizkie Iberdrolari eta Endesari, baita erregaia ateratzeko 2012an hartutako alde bakarreko erabakia ere. Halaber, Espainiako Gobernuari presioa egiteko bitarteko gisa Garoña erabiltzea leporatu die.
Nadal, Espainiako Gobernuaren erabakia azaltzeko agerraldian. EFE
13-16 urte beharko dituzte Garoña eraisteko
Nolanahi ere, "Garoña gehiagorik ez izatea" espero du Nadal ministroak. Dena den, Santa Maria de Garoñako zentral nuklearraren itxierak (2012tik ez du elektrizitaterik sortu) Espainiako energia sisteman ez duela eraginik izango ziurtatu du, duen "tamaina txikiagatik". Aldi berean, Garoñako zentral nuklearra eraisteko 13 eta 16 urte bitartean beharko direla nabarmendu du.
Langileei dagokienez, beren etorkizuna "bermatuta" dagoela eta inguruko herriek Enresa enpresa publikoaren laguntzak jasoko dituztela adierazi du. Aipaturiko enpresa publikoa hondakin erradioaktibo eta nuklearrak kudeatzeaz arduratzen da. Gaineratu duenez, Espainiako Gobernuak eta Gaztela eta Leongo Gobernuak elkarrekin lan egingo dute eskualdearen "bideragarritasuna" lortzea helburu.
Aurrekariak
Kontseilu Nuklear Nazionalak zentrala berriz zabaltzeko hartu beharreko neurrien txostena egin zuen orain sei hilabete. Neurri horiek aplikatzeko, inbertsio handia egin beharko litzateke, zaharkituta dagoen instalazio batean.
Txostenaren ostean, sei hilabeteko epea izan du Espainiako Gobernuak Nuclenorri (zentral nuklearra kudeatzen duen enpresa taldea) jarduerarekin jarraitzea baimendu ala galarazteko. Endesak eta Iberdrolak erdi bana dute Nuclenor, eta bi enpresak zatituta zeuden zentrala berriz zabaltzearen inguruan. Ignacio Sanchez Galan Iberdrolako presidenteak esana zuen Garoña ez dela bideragarria. Endesa, aldiz, berriz irekitzearen aldekoa zen.
Zure interesekoa izan daiteke
Arrigorriagako osasun-zentro berria 2030ean irekitzea aurreikusten du Osakidetzak
Gauzak ondo bidean, lanak 2028ko lehen hiruhilekoan hasiko dira, egungo zentrotik gertu dagoen lursail batean. Asmoa da espazio-gabeziak konpontzea eta zerbitzu berriak eskaintzea. Laguntza gaitasuna handituko du familia medikuntza, ama-haurren zaintza eta fisioterapia arloak biltzen dituzten instalazio modernoekin.
Euskadiko pentsioen batez besteko zenbatekoa % 4,1 hazi da, eta 1.648 eurotik gorakoa da orain
Pentsio-modalitate ohikoenak honako hauek izan dira: erretirokoak (398.600 pentsio eta 1.909,25 euro batez beste), alarguntzakoak (132.270 eta 1.170,41 euro) eta ezintasun iraunkorrekoak (43.031 eta 1.590,25 euro).
Zubietako erraustegiko langileek osasun bermeak eskatu dituzte, bederatzi langile intoxikatu baitira
Langileek garbitzaileen egungo akordioa ordezkatuko duen lan-esparru espezifiko bat eskatzen dute, eta erraustegiko azpiegituren segurtasun-falta salatzen dute
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.