Navalen akzio multzo txiki bat erostea aztertzen ari da Jaurlaritza
Inigo Urkullu lehendakariak gaur ziurtatu duenez, posible da Eusko Jaurlaritzak Sestaoko La Naval ontziolaren "akzio multzo txiki bat" erostea eta aukera hori aztertzen ari da bere Gobernua. Ontziolaren egoera 'zaila' dela onartu arren, etorkizuna baduela uste du lehendakariak.
Onda Vasca irratiari eskainitako elkarrizketan Urkulluk adierazi duenez, kapitala handitzeko ezintasunaren aurrean La Naval ontziolak ahalik eta ordenatuena izango den hartzekodunen konkurtsoan sartu behar du.
"La Navalen jarraitutasunaren alde gaude. Espero dezagun alde guztiok egiten ari garen lanak urriaren 7tik aurrera emaitzak ematea, hartzekodunen konkurtso ordenatua izatea eta La Navalen jarduerak jarraikortasuna izatea", azaldu du.
Gobernuak Sestaoko ontziolaren akzioak eros ote ditzakeen galdetuta, krisi egoeran dauden beste enpresa batzuetan ere parte hartu dezakeela iradoki du.
"Kudeaketa eredu batek zigortu duen enpresa bat da, 140 milioi euroko zorra pilatu duena, eta Eusko Jaurlaritza akziodun izateaz hitz egiten ari gara?", galdetu du.
Hala eta guztiz ere, Jaurlaritzak La Navalen etorkizunarekiko konfiantza duela azpimarratu du lehendakariak. Hori dela eta, "partaidetza kredituen" bitartez laguntza emateaz gain, beste inbertsio bide batzuk aztertzen ari direla azaldu du, tartean, akzio txiki multzo bat erostearena.
Albiste gehiago ekonomia
Serveoko langileak 22 laguni eragiten dien enplegu-erregulazioko espedientearen aurka bildu dira Basaurin
CCOOk deituta, Serveoko langileek "Bridgestoneko kaleratze ikusezinak" salatu dituzte, eta datorren astelehenean hasiko den greba mugagabea deitu dute.
Banco Sabadell erosteko eskaintza publikoa onartzeko Espainiako Gobernuaren baldintzaren aurkako helegitea aurkeztu du BBVAk Auzitegi Gorenean
Bankuak uztailaren 15ean aurkeztu zuen errekurtsoa, Espainiako Gobernuak baldintza iragarri eta hiru astera. Zehazki, hiru urteetan bi erakundeek identitate juridikoa eta ondarea bereizita mantentzera behartzen ditu Sanchezen gobernuak.
Zerga-bilketa % 9,6 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 9,6 gehiago eta 983,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.
KPIa hamarren bat jaitsi da Euskadin uztailean, eta % 0,2 igo Nafarroan
Urte arteko datuei dagokienez, inflazioa % 3koa da Euskadin eta % 2,7koa Nafarroan, Estatuko batez bestekoaren berdina.
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.