Eusko Jaurlaritza CAFen akziodun bihurtu da, konpainiaren % 1,24 eskuratuta
Eusko Jaurlaritza CAF (Construccion y Auxiliar de Ferrocarriles, gazteleraz) enpresa gipuzkoarraren akziodun bilakatu da, konpainiaren akzioen % 1,24 eskuratu baititu. Hala iragarri dute prentsaurrekoan Arantxa Tapiak eta Pedro Azpiazuk, hurrenez hurren, Ekonomiaren Garapen eta Azpiegitura eta Ekonomia eta Ogasun sailburuek.
Euskal ekonomia bultzatzeko estrategiaren baitan egingo du Gobernuak operazioa, gerora etorriko diren beste batzuen artean, lehena. "250 milioiko Funts Estrategiko" horren bidez, "nazioartean zabaltzeko eta teknologikoki garatzeko ahalmena duten euskal enpresak haztea eta errotzea" bermatu nahi da, Tapiaren esanetan. Xede horrekin Jaurlaritzaren tresna finantzarioen berrantolaketa egingo dute. Azpiazuren esanetan, 2018ko lehen hiruhilekoan amaituko dute berregituraketa.
Eragiketa Finantza Publikoen Euskal Institutuaren bidez egin du Urkulluren Gobernuak, Socade Garapenerako Euskadiko Kapital Sozietateak kudeatuta. Sozietate horrek Kutxabanki 425.870 akzio erosi dizkio, 15 milioi euroren truke.
Finantzen Euskal Institutuko funtsera 100 milioi bideratuko ditu Jaurlaritzak. Iaz bertan, 30 milioirekin hornitu zuten funtsa arrisku-kapitaleko eragiketak burutzeko.
Lehen eragiketa, baina ez azkena
Tapiak azaldu duenez, CAFena ez da "eragiketa isolatua", Jaurlaritza beste hainbat euskal enpresatako akziodun bilakatuko delako datozen hilabete eta urteetan.
Tapia eta Azpiazu, prentsaurrekoan. Argazkia: Irekia
Sailburuaren hitzetan, "enpresa kotizatu baten kapitalean egiten den lehen partaidetza publikoa da" honakoa, "ihes egiten utzi ezin genuen aukera", alegia.
Hala, Eusko Jaurlaritzak industria-proiektu estrategikoei eta "herrialdeko sektore eta jarduera traktoreetan enpresa-tamainaren hazkundea"ri bide emateko konpromisoari eutsi dio.
Zure interesekoa izan daiteke
Mugikortasun Sailak 581,7 milioi izango ditu "trenbidea garraiobide gisa bultzatzeko"
Trenbide-azpiegiturak eraiki eta hobetzeko erabiliko da inbertsioaren zati handi bat. Era berean, Bat, Barik eta Mugi txartelen interoperabilitatea burutu nahi da, eta 12 urtera arteko garraioaren doakotasuna egiturazkotzat ezarri.
Juan Ignacio Perez Iglesias: "Kezkatuta eta triste nago"
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesiasek adierazi duenez, "behar beste" hitz egiteko prest dago, baina EHUn gauza handiak egiteko aukera paregabea galtzen ari dela uste du.
Euskal kofradiek Kofradia Basque Seafood sortu dute, baxurako arrantza modernizatzeko
Bizkaiko eta Gipuzkoako federazioek, Hazilur sozietate publikoarekin batera, Kofradia Basque Seafood enpresa eratu dute, Ondarroan. Nobedade nagusien artean, laugarren eta bosgarren gamako produktuen lerro bat garatuko du konpainiak, arraina xerratu, ontziratu eta kozinatzeko moduan elaboratzeko.
Eusko Jaurlaritzak inoizko partidarik handiena bideratuko du 2026an etxebizitza sustatzeko: 596 milioiko inbertsioa, 3.669 etxebizitza egiteko
Etxebizitza eta Hiri Agenda Sailak 2026rako kontuak aurkeztu ditu, aurreko urtean baino % 14 altuagoak. Denis Itxaso sailburuak iragarri du 1.700 etxebizitza babestu baino gehiago eraikiko direla, eta Visesa baliabide propio gisa onartuko dutela.
3.346 milioiko aurrekontua aurkeztu du Hezkuntza Sailak, langileen arlora eta inklusio-programetara bideratutakoa nabarmenduz
Begoña Pedrosak "funtsezko zerbitzu publikoak indartzea" bilatzen duten kontuak aurkeztu ditu Eusko Legebiltzarrean, "herritarren benetako arazoetan arreta jarriz".
Imanol Pradales: "EHUk ez du inoiz hainbeste baliabide izan"
Lehendakariak adierazi du EHUren aurrekontua % 6,9 handituko dela 2026an. Horrez gainera, 2025ean % 5,2ko igoera izan duela esan du eta, beraz, bi urteren buruan ohiko aurrekontua % 12 handitu dela azpimarratu du.
Bengoetxeak instituzioek EHU errespeta dezaten eskatu du, eta premiazko bilera galdegin dio lehendakariari
Horrela erantzun dio Euskal Herriko Unibertsitateko errektoreak Perez Iglesias sailburuari, Eusko Legebiltzarreko agerraldian ukatu egin baitu unibertsitate publikoak behar baino diru gutxiago jasotzen duenik. Iglesiasen hitzetan, 2026rako esleitutako aurrekontua "zifra errekorra" da.
Horrelakoa izango da Bekadunen Estatutu berria: gastuak konpentsatzea, praktikaldiak mugatzea eta enpresei kontrol gehiago egitea
Espainiako Gobernuak Bekadunen Estatutuaren aurreproiektua onartu du, prestakuntza praktikoan daudenen eskubideak bermatzeko.
Petronorreko langileek greban jarraitzen dute eta aldagelen kontua ukatu dute
Hori jakinarazi dute batzordearen ordezkariek Kutxabankek Bilbon dituen bulego orokorren aurrean deitutako langileen kontzentrazioan. Beharginek akordioa atzera bota dute eta auzitegietan argituko da afera.
Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.