CAFek 30 unitate egingo ditu Manilako metroarentzat
CAF (Construcción y Auxiliar de Ferrocarriles, gazteleraz) Gipuzkoako enpresak eta Mitsubishi Corporation multinazionalak kontratua lortu dute Manilako metroaren 1 linearako 30 unitate egiteko, 225 milioi euroren truke.
Filipinetako hiriburua da Manila, biztanle-dentsitate handiena duen munduko hirietako bat. Linearen edukiera hobetzea da proiektuaren helburua, baita bidaiari kopuruaren hazkundeari aurrea hartzea, zerbitzuaren kalitatea hobetzea eta hiriko kutsadura mailak gutxitzen laguntzea ere. 30 unitateak 2020-2022 urteen artean bukatuko ditu CAFek.
1 linea lurgainekoa da, 20 kilometro luze ditu eta hiria iparraldetik hegoaldera zeharkatzen du. Gaur egun 12 kilometro ari dira luzatzen, Cavite eskualderaino.
Bi noranzkoetako unitateak izango dira, katenaria bidezko elikadurarekin (750V dc). Albo bakoitzeko 16 ate izango dituzte eta, haiei esker, bidaiariak trenera modu erosoagoan sartu eta atera ahal izango dira. Unitateak 70 km/h-ko diseinu-abiadurarekin zirkulatzeko prestatuta daude. Guztira, 106 metro inguruko luzera dute, eta 276 eserlekuko banaketa bermatzen du horrek.
Elkarlanean aritu dira CAF eta Mitsubishi Corporation kontratua lortzeko. Harreman horri esker, beste kontratu batzuk ere lortu dituzte, hala nola, Istanbuleko metrorako (Turkia) unitateak edota Camberrako (Australia) tranbiak egitea.
CAFek Filipinetan lortzen duen lehen kontratua da honakoa, eta 2017ko bigarren seihilekoan "eskarien bolumen handia lortzeko enpresak zuen aurreikuspena" betetzen lagundu du.
Beste kontratu bat Italian
Bestalde, Napoliko Udalarekin beste kontratu bat sinatu du CAFek. Horren arabera, hiriko metroaren 10 unitate egingo ditu 2019rako. 90 milioi euroko kontratua iazko ekainean sinatu zuen enpresak behin-behinean, eta orain baieztatu diote. Akordioak, gainera, beste 10 tren hornitzeko aukera jasotzen du.
CAFek presentzia handia du Italian. Besteak beste, honakoak ekoitzi ditu Beasaingo konpainiak: Erromako metrorako unitateak, Barirako eta Friuli Venezia Giuliako iparraldeko eskualderako aldirietako trenak eta Sardiniako eskualdeko lineetarako diesel-trenak.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.