90.000 funtzionariorentzako Itzarri ekarpenei berriro helduko die Eusko Jaurlaritzak
Itzarri-BGAE ekarpenei berriz heltzea onartu du gaur Eusko Jaurlaritzak. Ia 90.000 funtzionario publikoren pentsio-planak bertan behera geratu ziren 2012an. Erabakiak urtarrilaren 1etik aurrerako eragina izango du. Gainera, Exekutiboa funtzionarioei soldata igotzeko akordioa prestatzen ari da. EAEko 2018ko aurrekontuetan % 1,5eko igoera aurreikusi zuten.
Horrela, urtarriletik aurrera, EAEko Administrazio Publikoak, elkarte publikoek eta erakundeek soldataren % 0,5 Itzarrira bideratuko dute, Josu Erkoreka Eusko Jaurlaritzako bozeramaileak Gobernu Bilera amaitu ondoren jakitera eman duenez.
Erabakiak ia 17 milioi euroko (16.880.674 euro) eragina izango du aurrekontuetan.
Itzarriri egin beharreko ekarpena areagotzeko, akordio bat adosteko Mahai Orokorrean biltzea eta negoziatzea eskatu die Erkorekak sindikatuei.
Zentzu horretan, aurten ekarpena % 1era arte igotzeko aukera dagoela uste du Eusko Jaurlaritzak, Euskadiko aurrekontu aurrekontuetan aurreikusitako aukera, bozeramaileak gogorarazi duenez.
Soldataren igoera lehen hiruhilekoan
Gainera, Jaurlaritza 70.000 langile publikoren soldata % 1,5 igotzeko akordio bat prestatzen ari dela aurreratu du Erkorekak, aurtengo aurrekontuetan aurreikusita dagoen bezala.
Akordioa prest izan bezain laster Gobernu Bileran onartzea da helburua, nahiz eta Gobernu zentralak horri dagokionez erabakiren bat hartu. Igoera atzeraeraginezkoa izango da urtarrilaren 1etik.
Soldata igoera urteko lehen hiruhilekoan onartzea posible dela zehaztu dute Eusko Jaurlaritzako iturriek.
Erkorekaren hitzetan, Itzarriko ekarpenei berriro heltzeko “erabateko” segurtasun juridiko eta ekonomikoa du Eusko Jaurlaritzak orain. Pentsio-planen arima berrekuratu nahi omen du Exekutiboak, sindikatuekin adostasun batera heltzeko, posible bada ekarpen hori areagotzeko, horretarako “tartea” dagoelako, bozeramaileak erantsi duenez.
Itzarri-BGAE ekarpenak bertan behera utzi zituen Mariano Rajoyren Gobernuak Errege-dekretu bidez 2011ko abenduaren 30ean, defizit publikoa zuzentzeko premiazko neurri bezala. Horrela, pentsio-planei edo aseguru kontratu kolektiboei ekarpenak egitea espresuki debekatu zuen Espainiako Exekutiboak.
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.